Gpu
圖形處理器（Graphic Processing Unit，簡寫 GPU）係一種專門用嚟處理影像顯示相關運算嘅微處理器。 GPU 係 NVIDIA 公司喺發佈 GeForce 256 圖形處理芯片嗰陣時首先提出嚟概念。呢樣嘢之前，電腦入面處理影像輸出嘅顯示晶片，通常好少俾人睇成為一個獨立嘅運算單元。而對手 ATI 亦都提出 VPU（Video Processing Unit）概念。GPU 令到顯示卡減少咗對 CPU 嘅依賴，並且分擔咗部分原本係由 CPU 負責嘅工作，尤其係喺進行緊3D圖形處理嗰陣時，功效就更加明顯。
GPU 用嘅核心技術有硬體座標轉換與光源（T&L）、立方環境材質貼圖同頂點混合、紋理壓縮同凹凸映射貼圖、雙重紋理四像素256位渲染引擎等等。
現代嘅 GPU 除咗處理圖像，重可以支援各種適合平行運算嘅工作，例如大數據分析、機器學習同深度學習等。喺合適條件下，GPU 處理呢類運算嘅速度可以快過 CPU 超過 10 倍，甚至 100 倍。
This article uses material from the Wikipedia 粵語 article GPU, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈；可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.