科技奇異點

想像家陣畫幅圖，X 軸做時間，Y 軸做科技水平，畫條線嘅話－

• 根據過往嘅經驗已知，科技水平喺人類史上一路都係傾向隨住時間升嘅，例如人類用嘅架生，喺歷史上普遍一路都變得愈嚟愈優良嘅－由石器時代嘅人由周圍環境執石仔攞嚟同野生動物打鬥，至文明起源有咗劍等嘅武器，至廿一世紀初嘅高效能槍械... 呀噉，所以一條反映科技隨時間嘅進程嘅線，會係一路噉升（斜率 ${\displaystyle >0}$ ）嘅；而家假設呢股趨勢會持續－假設喺可見嘅未來，唔會有咩重大嘅災難摧毀成個人類文明或者搞到人類响知識上出現大倒退；

2010 年影到一間博物館展出嘅石器時代架生； 呢啲架生好原始，但可以用嚟防範野生動物侵襲。    一把中世紀（大約 5 至 15 世紀）風格嘅劍    一把廿一世紀初嘅 AK-47

• 跟住研究者開始諗創新率嘅問題，有研究者主張，科技水平嘅上升率喺人類史上係一路係噉升緊嘅；例如電子工程上嘅摩亞定律（Moore's law）噉，摩亞定律係廿世紀電子工程工作者留意到嘅事實，就係一個密集嘅集成電路上面嘅電晶體數量會大約每兩年就加倍（簡單講，電晶體數量愈多，啲硬件嘅運算能力就愈勁）－
  • 設 ${\displaystyle n}$  做而家呢刻一塊平均嘅集成電路上面嘅電晶體數量，兩年後個數值會加倍變成大約 ${\displaystyle 2n}$ ，四年後就會再加倍變成大約 ${\displaystyle 4n}$ ，
  • 即係話喺頭嗰兩年，電晶體數量升咗大約 ${\displaystyle n}$  咁多，而喺打後嗰兩年，電晶體數量就升咗大約 ${\displaystyle 2n}$  咁多
  －唔淨只升緊，仲升得愈嚟愈快。

•  
  展示 120 年嘅摩亞定律嘅圖；
  當中 X 軸係時間，Y 軸係每使一美金增加到嘅每秒運算量，
  留意 Y 軸係以數量級（0.1, 10, 1,000...）噉嚟計嘅。

於是有研究者就提出咗個諗頭：假如啲主要科技嘅水平都係好似摩亞定律噉愈升愈快嘅話，條線梗會喺某個時間點係去到變成垂直升嘅咁滯－到咗嗰個時候科技進步會變到極快，快到人類完全無法控制同預測，而呢點「科技水平條線變成垂直咁滯」嘅時間點就係想像中嘅科技奇異點。喺廿一世紀初，科技奇異點引起咗唔少人嘅思考，有唔少科學家同工程師都好奇科技奇異點會點樣影響科學科技知識嘅發展，而寫科幻嘅作家又有用佢哋嘅作品嚟想像「人類文明到咗科技奇異點」嘅世界。