社會生物學

舉個例說明，社交梳理係一種好出名嘅動物社會行為，指一種有社會性嘅動物物種（好似係狒狒）唔同個體之間彼此幫對方梳理對方嘅儀容，例如想像一隻狒狒背脊上面有笪毛皮污糟咗，笪嘢因為係黐咗喺背脊度，佢隻手掂唔到，於是佢嘅同伴就郁手幫佢梳走笪污糟嘢；由進化論嘅角度睇，

• 幫同伴做梳理有助自己改善同周圍同伴嘅關係（有益）
• 而且幫同伴梳理通常唔係咁嘥時間精神，唔會對自己造成明顯嘅負面影響（低成本），

所以呢種行為能夠幫隻動物個體提升自己生存繁殖能力，於是就成功通過物競天擇嘅考驗流傳咗落嚟（進化論解釋動物嘅社會行為）。同時呢樣嘢喺人身上都成立：原則上，對人嚟講，「幫同伴執靚儀容」呢種行為又係唔使嘥好多時間精神就做到維持同伴之間嘅關係，而事實係人都成日會用梳頭同化妝等嘅方法嚟幫同伴執靚幅儀容－對社會行為嘅進化論分析同時適用於人類社會現象同第啲動物身上。

除咗社交梳理之外，有好多社會行為都係「喺人同第啲動物身上都見到」嘅，例子有求偶、霸地盤同埋成群打獵呀噉。到咗廿一世紀初，社會生物學經已取得咗相當嘅成功，成為咗現代生物學同社會學上嘅一套重要理論。

社會生物學嘅廣泛應用亦都引起過一啲爭議，例如如果人嘅社會行為可以由進化（進化係一個物種嘅遺傳特性隨時間嘅演變）解釋，就表示人嘅社會行為最少有一部份係天生嘅，而「行為係咪天生嘅」呢條問題喺廿世紀不嬲都廣受爭議。

• 訊號理論
• 社會科學
• 進化心理學
• 行為沉淪
• 信賴

 

維基同享有多媒體嘅嘢：
Sociobiology

• Sociobiology (Stanford Encyclopedia of Philosophy)