相對論

相對論主要可以分做狹義相對論同廣義相對論兩種。狹義相對論係針對無引力嘅情況，而廣義相對論係針對有引力嘅情況。佢哋喺宇宙學入面扮演咗好重要嘅角色。

喺歐拔·愛因斯坦1905年其中一篇奇蹟年論文Zur Elektrodynamik bewegter Körper（關於郁緊嘅嘢嘅電動力學）入面，佢提出咗兩個假設：

• 相對性：喺唔同嘅慣性參考系入面，所有物理定律都會有同一個表達方式。
• 光速喺任何慣性參考系入面都係一樣。

因為呢兩個假設，可以推斷到更加多嘅發現，例如：

• 時間膨脹：所有相對於一個慣性系統嚟郁嘅鐘都會郁得慢啲，而呢個效應係可以用勞侖茲變換好準咁度出嚟。
• 質能等價：(${\displaystyle E=mc^{2}}$ ) 能量同質量係同一樣嘢，而且可以互相換做對方。

廣義相對論係喺1915年發表嘅。廣義相對論嘅發現包括：

• 重力時間膨脹：重力導致嘅時空扭曲率越大，時間就會過得越慢
• 進動：自轉物體嘅自轉軸又會圍住另一個軸去旋轉（呢個可以喺水星嘅軌道同雙星脈衝星入面見到）。

雖然歐拔·愛因斯坦一開始創立相對論係為咗理論上嘅用途，無諗過點樣應用，但係相對論喺工程學上已經有幾重要嘅用途。其中一個係全球定位系統。因為地球有引力，所以人造衞星喺度緊唔同嘅數時，都要考慮廣義相對論嘅影響。