混合物

亦都有一啲化學物質就噉望落似係一種化合物（compound），但查實係混合物，例如係空氣噉，古時嘅人好多時都諗住空氣係一種單一物質（睇古典元素當中嘅風），但用各種嘅分離過程做嘅研究發現，查實空氣係由氮氣（${\displaystyle {\ce {N2}}}$）、二氧化碳（${\displaystyle {\ce {CO2}}}$）同氧（${\displaystyle {\ce {O2}}}$）等嘅多種氣體化學物質溝埋一齊形成嘅混合物。

分離過程係化學嘅一門子領域，專門研究點樣將一樣混合物入面嘅各種唔同化學物質分返開。例如下圖就係喺實驗室做蒸餾（distillation）－一種成日用喺液體混合物身上嘅分離過程－用嘅架撐嘅抽象圖解：

 

• 蒸餾嘅原理係，混合物入面嗰啲唔同嘅化學物質會保留各自嘅物理特性（混合物嘅定義），所以混合物唔同成份之間嘅沸點（指每隻物質喺咩溫度會蒸發）通常都會唔同，而如果隻混合物裏面嘅嗰啲唔同化學物質沸點有明顯嘅差異，就可以用蒸餾將佢哋分開；
• 喺附圖裏面嘅 13 同 14 等嘅部份會將隻混合物（裝喺 15 嗰個位）加熱；
• 加熱到咁上下，沸點最低嗰隻化學物質（暫且嗌佢做「液體 A」）會蒸發並且由啲管道引導去 8 嗰個位（同時研究者可能喺呢個時候調低 13 同 14 嘅熱度）；
• 喺 8 嗰個位研究者會同隻化學物質做冷卻（例如想像 16 係一盤冰水），等變咗氣體嘅液體 A 凍到變返液體；
• 跟住研究者就可以攞走 8 嗰個容器－呢個容器會裝住純嘅液體 A，然後佢就要換過個新嘅容器落 8 嗰度同埋加返大 13 同 14 嘅熱度；
• 一路做上述嘅工序，做到攞到嗮啲想要嘅純化學物質為止。

• 化合物
• 合金
• 溶液

•   維基同享中有關化學混合物嘅資源類