大興安嶺

山脈係西北至東南走向，西北邊喺黑龍江邊，中國同俄羅斯交界開始，一直去到西林木河上游嘅谷地為止。全長大約1,200公里，闊200～300km，最闊有306km，最窄得97km；平均海拔1100～1400m，最高嘅黃崗梁有2,035米。氣候方面，雖然東南坡喺夏天時有海洋季風影響而比較多雨落，但西北坡好少雨落，成為森林同草原嘅分界線。而山坡北邊係密密麻麻嘅大樹林，有25萬km²，直呈跨7個緯度咁多。森林覆蓋率達到62%。

大興安嶺嘅資源都好多下，自古有出產黃金而出名，而家有生產好多優質嘅木材而出名。目前有好多條鐵路入林區，將大興安嶺成為中國緊要嘅木材產地同森林工業基地。入面主要種咗紅松、水曲柳、落葉松、白樺同山楊等比較出名嘅樹種，有啲樹生到成60幾米咁高。

大興安嶺火燭

1987年5月6號，黑龍江省大興安嶺地區發生咗山林大火，面積足足燒咗一個蘇格蘭咁大嘅領土面積，甚至波及到蘇聯（今日嘅俄羅斯）1200萬英畝嘅樹林，佢係1949年中華人民共和國成立之後最嚴重嘅山林大火。大火喺1987年6月4號被救熄，根據調查得知，呢場山火係當地林業工人亂咁掟未熄嘅煙頭而引起。