北美東部時間

東部時區
東部時區
世界協調時間偏移量
EST	UTC-5
EDT	UTC-4
依家嘅時間（更新）
UTC+8	2024年4月29號 02:24 UTC+08:00
EST	2024年4月28號 13:24 EST
EDT	2024年4月28號 14:24 EDT
夏令時間嘅運作
呢個時區只有部分地區實施夏令時間。

美洲仲有其他國家有對應嘅時區，但係可能唔同名，夏令時間嘅定義亦都可能唔同。

例如，喺墨西哥，對應嘅時區叫做東南時區（西班牙文：zona Sureste），唔係東部，時間定義係 UTC-5。

呢個時區嘅名係源於美國1966年嘅 Uniform Time Act（統一時間法案），東部指美國東部。

標準時間

東部時區嘅標準時間喺美國同加拿大叫東部標準時間（英文：Eastern standard time，簡寫 EST；法文：heure normale de l’Est，簡寫 HNE；美國西班牙文：hora estándar del Este）。

東部標準時間喺墨西哥叫做東南時間（墨西哥西班牙文：tiempo del Sureste）。

夏令時間

東部時區嘅夏令時間（唔適用於墨西哥）喺美國同加拿大叫東部夏令時間（英文：Eastern daylight time 或者 Eastern daylight-saving time，簡寫 EDT，意思係 ｢東部日光節約時間｣；法文：heure avancée de l’Est，簡寫 HAE，意思係 ｢撥快咗嘅東部時間｣；美國西班牙文：hora de verano del Este）。

所謂 ｢日光節約｣ 係指 ｢唔使嘥咗啲陽光｣，即係夏天陽光多，撥快一個鐘可以喺日頭未睏覺之前多啲陽光，用少啲電。

喺北美，大部地方都係春天撥快，秋天撥慢（spring forward, fall back），喺加拿大同美國，目前嘅規定係每年三月第二個星期日凌晨兩點轉夏令時間，十一月第一個星期日凌晨兩點轉標準時間。

2007年之前係四月第一個星期日撥快，十月最後一個星期日撥慢。

1986年之前係四月最後一個星期日撥快，十月最後一個星期日撥慢。

東部時區有少部份地區唔用夏令時間：

喺加拿大，安省 Pickle Lake、Atikokan 同 New Osnaburgh 三個地方都係全年標準時間，冇夏令時間。

喺墨西哥，唯一用呢個時區嘅 Quintana Roo 州 ｢唔參與夏令時間計劃｣，全年標準時間，冇夏令時間。