ტყვარჩელი

საქორთუოშ ოკუპირაფილი ნოღა

იდვალუაფუ წყარმალუ ღალიძგას. ნოღაშ სტატუსი მეჩეს 1942 წანას. ნოღაშ მაჸვენჯი ინდუსტრიეფი რე ქუანოშქერიშ, ოკიდალი მოღეეფიშ დო შხვა საწარმოეფი. ჯოხოგოლაფირი რე ბალნეოლოგიური კურორტით.

ნოღა ტყვარჩელი Тҟәарчал ტყვარჩელიშ მიოჯინი გრესიშ ფონს ქიანა  საქორთუოსაქორთუო ავტონომიური რესპუბლიკა აფხაზეთიშ არაფხაზეთიშ ავტონომიური რესპუბლიკა მუნიციპალიტეტი ოჩამჩირეშ მუნიციპალიტეტი კოორდ. 42.85,41.68333342°51′00″ ოორ. გ. 41°41′00″ ელ. გ. /  ნოღა 1942  წანაშე ფართობი 16,85 კმ² მახორობა 4800 კოჩი (2003) ბორჯიშ ორტყაფუ UTC+3 ტელ. კოდი +995 446 ოფოსტე ინდექსი 7200 ტყვარჩელი ტყვარჩელი ტყვარჩელი ვიკიოწკარუეს

ტყვარჩელი ნოღათ გჷმაცხადეს 1942 წანას. ქუანოშქერიშ მოპალაფაქ თე აბანს დიჭყჷ 1935 წანაშე დო მაჟირა მოსოფელიშ ლჷმაშ პერიოდის დონბასიშ გერმანალეფიშ ხეშა აშალაფაშ უკული დიდი შანულობაქ აშუ.

1990-იანი წანეფიშ დაჭყაფუს აფხაზეთიშ ლჷმაშ პერიოდის ნოღა ქორთული ჯარიშ ქართას რდჷ მოხვალამირი დო თიშ დოსქილადირი მახორობა მონკა ჰუმანიტარული კრიზისიშ თუდო რდჷ. ნოღას ოჭკუმალეფით, ანჯარით დო დაქირებული მალიმორეფით რუსული ვერტფურინჯეფი აკმონაზირანდჷ. ლჷმაშ ეკონია ეტაპის, ტყვარჩელშე სისტემატურო იბომბუდუ კოდორიშ ლეხერი. ნოღა, ქორთული მახორობაქ ლჷმაშ დაჭყაფუშე დიტუ. ტყვარჩელიშ მუკე-მუკე ოფუტეეფს დოსკილადირი ქორთუ მახორობა რჯალიშ დგომარებას რდჷ.

1995 წანაშე ნოღა თე ჯოხოთ ფორმირებული რაიონიშ ცენტრი რე.

ქუანოშქერიშ მოპალაფა ნოღაშ თარი ინდუსტრია რდჷ გოჭყაფაშე, მორო ასე სხუნუეფიშ პერიოდიშ მაღაროეფი კილერი რე დო ქუანოშქერს მიპალუანს ხვალე თურქული კომპანია „თამსაშ“ (Tamsaş) ღილე მეთოდით. თე კომპანიაშ გინაგაფალეფი ნოღაშ ხაზინაშ მუშნალიშ 75 % აკმადგინანს, მორო თის ეკოლოგიაშ უგურელჸოფას აბრალენა.

ნოღას რდჷ ცემენტიშ დო ანგურაშ ქარხანეფი, ნამუეფით ასე გაჩერებულიე ტექნიკური სიჯვეშაშ გეშა. გეგმას რე ახალი ცემენტიშ ქარხანაშ კიდუა, ნამუშ პროდუქციას ოეგებიეთ სოჭიშ ოლიმპიური კომპლექსიშ კიდუას გჷმირინუანა.

ნოღას დო ოჩამჩირეშ რაიონს სხუნუეფიშ პერიოდის ელექტროენერგიათ ახაზირენდჷ ტყვარჩელიშ ქუანოშქერიშ ელექტროსადგჷმი, ნამუთ 1980-იანი წანეფიშ ლიას ქუანოშქერიშ ნოზირიშ მორკებაშ გეშა გაზშა გეგნიჸონეს.

1989 წანას ნოღაშ მახორობა რდჷ 21 744 ადამიერი. სუმი თარი ეთნიკური ბუნა რდჷ აფხაზეფი (42,3 %), რუსეფი (24,5 %) დო ქორთუეფი (23,4 %). ლჷმაშ გეშა ნოღაშ ინდუსტრიაქ გაჩენდჷ დო მუში მახორობაქ შანულამო მირკჷ. 2004 წანას მახორობა ნამთინე მუნაჩემეფით 4800-შახ რე მორკებული. 2003 წანაშ მახორობაშ ეჭარუაშ გეშა ნოღას 4786 მახორუ რდჷ.

• ტყვარჩელი.com