ჰომო ერექტუსი
ჰომო ერექტუსი (ლათ. Homo erectus — გოთინილო გილმალი ადამიერი) — პრეისტორიული პერიოდიშ ადამიერიშ გვარობა, ნამუთ ოხორანდჷ დოხოლაფირო 1 მილიონი წანაშ კინოხ.
თინეფიშ ნოსქილედეფშა მეგორელი რე ჩინეთიშ ნანანოღა პეკინიშ გოხოლუას. ჰომო ერექტუსეფი ოჭიშგოთინილო გილეშეს დო ოხანდე ანჯარეფს ხოლო გჷმირინუანდეს. თეშ მოხ, თინეფი ოტიბაფალო დაჩხირს გჷმირინუანდეს, მუთ თინეფს ელაზჷმაფათ რგილ კლიმატის რინაშ საშვალებას არძენდჷ. ჰომო ერექტუსეფიშ გვარობას მიორხველუანა პრეისტორიული ხანაშ ადამიერეფს – მზიას დო ზეზვას, ნამუშ ნოსქილედეფი 16- კიბირამი გიმენი კირტე დო 2 დუდიშ ხოკოს (ოსურკოჩიშ დო ქომოლკოჩიშ) სახეთ 1999 წანაშ 24 კვირკვეს მიოგორეს ქორთუ დო გერმანალი არქეოლოგეფქ დმანისიშ ნოქალაქენს.
| †ჰომო ერექტუსი Homo erectus | ||||||||||||||||
|---|---|---|---|---|---|---|---|---|---|---|---|---|---|---|---|---|
| მენცარული კლასიფიკაცია | ||||||||||||||||
| ||||||||||||||||
| ლათინური ჯოხო | ||||||||||||||||
| Homo erectus Dubois, 1892 | ||||||||||||||||
| გიმენგვარობეფი | ||||||||||||||||
| ||||||||||||||||
| თხილუაშ სტატუსი | ||||||||||||||||
| |
ჰომო ერექტუსეფიშ წჷმოულარობა
იკოროცხუ, ნამჷ-და ჰომო ერექტუსეფქ ოორუე აფრიკას გენკორჩქინდეს ოშქაშე პლეისტოცენიშ ეპოქას, ევოლუცია გჷნიცადეს Homo rudolfensisშე, დო უკვე 1,8 მილიონი წანაშ კინოხ, არხო ბჟაეიოლიშ ტერიტორიაშე (Homo georgicus) ფართოთ გიფაჩეს ევრაზიას, ჩინეთშახ (იუანმოუური ადამიერი).
გეოგრაფიული გოფაჩუა
ჰომო ერექტუსეფი ფართას რდეს გოფაჩილი ჯვეშ მოსოფელს დო ირთუდეს აბანობური გიმენბუნეფით. ჰომო ერექტუსეფიშ აფრიკული გიმენბუნას მითმიარსხუ ჯოხოდვალა Homo ergaster, მარა აფრიკულ ჰომო ერექტუსეფს თაშნეშე მიორხველანა ატლანტროპის დო როდეზიულ ადამიერს. ჰომო ერექტუსეფიშ ევროპულ გიმენბუნას მითმიარსხუ ჯოხოდვალა ჰეიდელბერგული ადამიერი, ხოლო არსებენდეს "ჰეიდელბერგულშახ" ჰომო ერექტუსეფი. ბჟაეიოლ აზიას ჟირი გვარობაშ ჰომო ერექტუსი ოხორანდჷ: უმოსი პროგრესული სინანტროპეფი ჩინეთშე დო უმოსი პრიმიტიული პიტეკანტროპეფი ინდონეზიაშე.
ლიტერატურა
- დ. იოჰანსონი, მ. იდი. ლუსი. ადამიერობაშ გვარიშ გოჭყაფა. Пер. с англ. М., 1984.
- ბიოლოგიური ენციკლოპედიური ლექსიკონი //под ред. М. С. Гилярова. М., 1989
- В. П. Алексеев, А. И. Першиц. მაართაოფირი ჯარალუაშ ისტორია. М., 2001
- ადამიერობაშ გოჭყაფას. Сб. ст., М., 1964.
- Иванова И. К., Геологический возраст ископаемого человека, М., 1965.
- Ископаемые гоминиды и происхождение человека. Сб. ст., М., 1966.
რესურსეფი ინტერნეტის
This article uses material from the Wikipedia მარგალური (Margaluri) article ჰომო ერექტუსი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.