ზლატან იბრაჰიმოვიჩი
ზლატან იბრაჰიმოვიჩ (შვედ.
Zlatan Ibrahimović; დ. 3 გიმათუთა, 1981, მალმე, შვედეთი) — შვედი მობურთე, ინგლისიშ პრემიერ ლიგაშ კლუბ „მანჩესტერ იუნაიტედიშ“ დო შვედეთიშ ერუანული ნაკორობაშ გემანთხაფალი, შვედეთიშ ნაკორობაშ არძა ბორჯიშ საუჯგუშო ბომბარდირ. 2006-15 წანეფს მეჸუნელო ჩხოროშა გიადჷ შვედეთიშ წანაშ საუჯგუშო მობურთექ.
ბიოგრაფია
ზლატან იბრაჰიმოვიჩიქ დებადჷ შვედეთის, ნოღა მალმეს, 1981 წანაშ 3 გჷმათუთას.
თიში მუმა რდჷ ბოსნიარი, დიდა ხორვატი. ”ღირზალი” შვედი გემანთხაფალქ ”ბარსელონას” მუში კარიერაშ კონკას აკათჷ. ამდღარშო იბრაჰიმოვიჩი მოსოფელიშ ართ-ართი საუჯგუშო ცენტრფორვარდი რე. თინა ჯგირო ლაჸაფენს მაჟირა სართულს, რე ბიწორა, შედეგამი, ეფექტური. თიში ოლაჸაფე სტილი ალმაბუნარეფს უჯგუშო ლაჸაფიშ საშვალებას არზენს.
ოკლუბე კარიერა
მალმე
ოკუჩხბურთე კარიერა იბრაჰიმოვიჩიქ "მალმეს” დიჭყჷ, 2001 წანას "აიაქსიშა” გინორთჷ. ამსტერდამულ კლუბის იბრაჰიმოვიჩიქ დიჭყჷ თი ლაჸაფიში ძირაფა, ნამუში ჭყოლოფუათი ედომუშამი მოსოფელი ქიგიჯინუ. "აიაქსის” შვედიშ მაწვართალი, ჯვეშო "ბარსელონაშ” მურიცხი, რონალდ კუმანი რდჷ.
აიაქსი
ჰოლანდიას ღალირი სუმი წანაში გოძვენას თიქი ჰოლანდიაშ ჩემპიონატი სუმშა, ხოლო ქიანაში თასი დო სუპერთასი მიგჷ. უკული იჸუ იტალიური ერაშ ბორჯიქ. "აიაქსშე” ზლატანქ ტურინიშ "იუვენტუსიშა” გინორთჷ, სოდეთ თიში მაზუკალარი ფაბიო კაპელო რდჷ.
იუვენტუსი დო ინტერი
ტურინულ კლუბის შვედი გიმანთხაფალი ჟირი წანაშ გოძვენას ლაჸაფენდჷ. ათე ხანიშ გოძვენას "იუვექ” ჟირშა მახერხჷ იტალიაშ სერია A-შ მოგება, მარა ჩინებული სკანდალიშ, კერძოთ "კალჩოპოლიშ" გეშა, გარიგაფილი მატჩეფიშ კათინიშ ბრალობათ ბუნას ჟირხოლო ტიტული გილანწყესჷ დო სერია B-შა იჸუ გიმაკინელქ. იბრაჰიმოვიჩიქ მაჟირა დივიზიონს ლაჸაფის კინი სერია A-ს ლაჸაფი ისხუნუ დო მილანიშ "ინტერშა” გინორთჷ, სოდეთი მეჸუნელო სუმშა მიგჷ იტალიაშ ჩემპიონატი. შვედი მობურთე გენთხაფაშ ლიდერი რდჷ მუჭოთი მანჩინიშ, თეში მაურინიოშ მაწვართალობაშ ბორჯისჷთ.
ბარსელონა
"ბარსელონას” იბრაჰიმოვიჩიშ პრეზენტაცია 2009 წანაში 27 კვირკვეს იჸუ დო თის 60 000 გურმაჭვექ გიჭიშუ, მუთი კლუბიშ ისტორიას რეკორდული მაძირაფალი რე.
მილანი
2010 წანაშ 28 მარაშინათუთას ზლატანქ "მილანშა" გინორთჷ ართ წანიანი იჯარათ, მარა კონტრაქტიშ ჰოიათ მილანარეფს სეზონიშ თებაში უკული შეულებუნა შვედი ფორვარდიშ ედომუშამო გიშაჸიდირი 24 მილიონ ევროთ. თიში დებიუტიქ 11 ეკენიას ჩეზენაშ აწმარენჯო იჸუ სოდეთი "მილანქ" 2-0 დემარცხჷ. იბრაჰიმოვიჩიქ მუში მაართა გოლი ჩემპიონეფიშ ლიგას ოსერიშ აწმარენჯო გემთიღჷ. ეთი მატჩი "მილანქ" 2-0 მიგჷ ზლატანიშ დუბლიშ ჭყოლოფუათ.
ონაკორობე კარიერა
ზლატანი ხოლო მახარალი მობურთალი რდჷ შვედეთიშ ნაკორობას. თისი ნაკორობაშ ოსარეთ 116 ლაჸაფი 62 გოლი აფუ მითოღალირი. ათე მაძირაფალით თინა შვედეთიშ არძა ბორჯიშ საუჯგუშო მაგოლე რე. ზლატანქ ონაკორობე კარიერა 2016 წანას გათუ.
მანჩესტერ იუნაიტედი
იბრაჰიმოვიჩიქ 2016 წანაშ ზარხულს გინორთუ პსჟშე იუნაიტედშა დუდიშული აგენტო.
ტიტულეფი
აიაქსი
- ერედივიზია (2): 2001–02, 2003–04
- ჰოლანდიაშ თასი: 2001–02
- იოჰან კრუიფიშ ტიტული: 2002
იუვენტუსი
- სერია A (2): 2004–05, 2005–06 (კლუბის გილანწყეს ჟირხოლო ტიტული ჩინებული სკანდალიშ - კალჩოპოლიშ გეშა)
ინტერი
- სერია A (3): 2006–07, 2007–08, 2008–09
- იტალიაშ სუპერთასი (2): 2006, 2008
ბარსელონა
- ლა ლიგა: 2009–10
- ესპანეთიშ სუპერთასი (2): 2009, 2010
- უეფა-შ სუპერთასი: 2009
- ფიფა-შ მოსოფელიშ ოკლუბე ჩემპიონატი: 2009
მილანი
- სერია A (1): 2010–11
- იტალიაშ სუპერთასი (1): 2011
ინდივიდუალური
- შვედეთიშ წანაშ საუჯგუშო მობურთე (3): 2005, 2007, 2008, 2009, 2010, 2011, 2012, 2013, 2014
რესურსეფი ინტერნეტის
- Zlatan Ibrahimović statistics Archived 2009-02-20 ვებ-ხასჷლას Wayback Machine. – ESPNsoccernet
- Zlatan Ibrahimović Archived 2012-04-05 ვებ-ხასჷლას Wayback Machine. at Nike.com
- Zlatan Ibrahimović – UEFA.com
- ზლატან იბრაჰიმოვიჩი Twitter-ს
- ზლატან იბრაჰიმოვიჩი Facebook-ის
 | |||
| 1.95 სმ | |||
| ოლაჸაფე პოზიცია | გემანთხაფალ | ||
|---|---|---|---|
| ნომერი | 9 | ||
This article uses material from the Wikipedia მარგალური (Margaluri) article ზლატან იბრაჰიმოვიჩი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.