ჰორიზონტი

horizōn, ნათ. ბრ. horizontos < horizō — გეშაბხურგანქ) — დიხაუჩაშ ჟინპიჯიშ თი ნორთი, ნამუთ დჷმაკვირაფალიშ თოლშო მიჭირინალი რე ღილე ელმოლს.

ძირაფაფონი ჰორიზონტი ჯოხო წირს, ნამუშჷთ ცა ითამ დიხაუჩაშ ჟინპიჯის მითმიახურგუ. ძირაფაფონი ჰორიზონტიშ სიშორა s, ე.ი. გოძვენა დიხაუჩაშ ჟინპიჯიშ არძაშე შორიშ ძირაფაფონ ჭურჭულეფშახ, იძინანს ელმოლიშჸურე დჷმაკვირაფალიშ h სიმაღალაშ მეჯინათ დო გჷმიხანტუ ფორმულათ: ${\displaystyle s(km)=3,83{\sqrt {h(m)}}}$.

ჭეშმარიტი ანუ მათემატიკური ჰორიზონტი რე ცაშ სფეროშ დიდი წირე, ნამუშ ობირტყა მართობული რე კიდელი წირეშოთ. ძირაფაფონი ჰორიზონტიშ რჩქვანელობურ ჭეშმარიტ ჰორიზონტშე დაბალი რე ð კუნთხუთ, ნამუსჷთ ჰორიზონტიშ გეკინა ჯოხო. დოკვირაფაშ აბანიშ მერიდიანი ჭეშმარიტ ჰორიზონტის კვათჷნს ოორუეშ დო ობჟათეშ ჭურჭულეფს, თინეფს შქას რე ბჟაეიოლიშ დო ბჟადალიშ ჭურჭულეფი, სოდე ჰორიზონტის კვათჷნს ცაშ ეკვატორი.

• ჰორიზონტიშ გეშა (ინგლისური)

• ქორთული სხუნუეფიშ ენციკლოპედია, ტ. 11, ხს. 689, ქართი, 1987 წანა.