ჰეიკე კამერლინგ-ონესი (ნიდ.
21 ეკენია, 1853, გრონინგენი, ნიდერლანდეფი — ღ. 21 ფურთუთა, 1926, ლეიდენი, ნიდერლანდეფი) — ნიდერლანდარი ფიზიკოსი. გიმირკვიუ ნიფთიერებეფიშ რჯებეფი დაბალი ტემპერატურას, შელებუ ქვანთი (თხევადი) ჰელიუმიშ მეღება 1908 წანას დო 1911 წანას მიოგორუ სუპერლინაფას (ქორთ. ზეგამტარობა), მიშეღჷ ტერმინი ენთალპია. ნობელიშ პრემიაშ ლაურეატი ფიზიკაშ დარგის 1913 წანას.
ჰეიკე კამერლინგ-ონესი | |
ნიდ. Heike Kamerlingh Onnes | |
დაბადებაშ თარიღი: | |
---|---|
დაბადებაშ აბანი: | გრონინგენი, ნიდერლანდეფი |
ღურაშ თარიღი: | ფურთუთა 21, 1926 (72 წანერი) |
ღურაშ აბანი: | ლეიდენი, ნიდერლანდეფი |
მენოღალობა: | |
ომენცარე სფერო: | |
სამუშაშ აბანი : | ლეიდენიშ უნივერსიტეტი |
ალმა-მატერი: | ჰაიდელბერგიშ უნივერსიტეტი |
ომენცარე ხემანჯღვერი: | რუდოლფ ადრიან მეესი |
ჯოხოშინელი მოგურაფეეფი: | |
ჯილდოეფი დო პრემიეფი: | მატეუჩიშ მენდალი (1910) |
ჰეიკე კამერლინგ-ონესიქ დებადჷ ნიდერლანდარეფიშ ნოღა გრონინგენს. გურაფულენდჷ გრონინგენიშ დო ჰაიდელბერგის უნივერსიტეტეფს. ჰაიდელბერგიშ თიში ლექტორეფი რდეს გიშარჩქინელი მენცარეფი რობერტ ბუნზენი დო გუსტავ კირხჰოფი. ოდოქტორე დისერტაცია თხილუ გრონინგენიშ უნივერსიტეტის რუდოლფ ადრიან მეესიშ ხემანჯღვერობათ. 1878-1882 წანეფს მუშენდჷ დელფტიშ ტექნოლოგიურ უნივერსიტეტის, იოჰან ბოსხაშ ასისტენტო. 1882-1923 წანეფს რდჷ ლეიდენიშ უნივერსიტეტიშ ექსპერიმენტული ფიზიკაშ პროფესორი. 1904 წანას ონესიქ დარსხუ კრიოგენიკური ლაბორატორია.
ჰეიკე კამერლინგ-ონესი ნობელიშ პრემიაშ მოხ რდჷ შხვადოშხვა პრემიეფიშ დო ჯილდოეფიშ ლაურეატი. ონესიშ ჯოხონობაშ რე ართი კრატერი თუთას. 2000 წანას დირსხუ კამერლინგ-ონესიშ ჯოხონობაშ პრემიაქ.
This article uses material from the Wikipedia მარგალური (Margaluri) article ჰეიკე კამერლინგ-ონესი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.