ჰაიდელბერგიშ უნივერსიტეტი
ჰაიდელბერგიშ უნივერსიტეტი (გერმ.
Ruprecht-Karls-Universität Heidelberg; ლათ. Universitas Ruperto Carola Heidelbergensis) — უნივერსიტეტი გერმანიას, ბადენ-ვიურტემბერგიშ აკანიშ ნოღა ჰაიდელბერგის. უნივერსიტეტიქ დირსხუ 1386 წანას, რომიშ პაპიშ ურბან VI-შ ინიციატივათ. ჰაიდელბერგიშ უნივერსიტეტი გერმანიაშ უჯვეშაში უნივერსიტეტი რე დო თინა ართ-ართი უჯვეშაში რე მოსოფელიშ მასშტაბით.
| ჰაიდელბერგიშ უნივერსიტეტი გერმ. Heidelberg University | |
 | |
| დევიზი | Semper apertus (ლათ.) |
|---|---|
| დირსხუ | 1386 |
| ტიპი | ოჯარალე |
| ფონდეფი | € 764.9 მლნ. (2018) |
| წორომახანდე | 8,397 |
| კანცლერი | ჰოლგერ შროეტერი |
| პრეზიდენტი | ბერნარდ ეიტელი |
| სტუდენტი | 28,653 (2020) |
| ორენი |  ჰაიდელბერგი, ბადენ-ვიურტემბერგი, გერმანია |
| კამპუსი | ურბანული დო გალეგანური |
| საიტი | www.uni-heidelberg.de |
 | |
უნივერსიტეტის რე 12 ფაკულტეტი დო იკათუანს სუმი კემპუსის: ჰუმანიტარული ფაკულტეტიშ კემპუსი იდვალუაფჷ ჰაიდელბერგიშ ჯვეშ ნოღას, ორთაშობური მენცარობეფიშ ფაკულტეტიშ დო მედიცინაშ ფაკულტეტიშ კემპუსი ნიუნჰაიმერ-ფელდიშ რაიონს დო სოციალური მენცარობეფიშ ბერგჰაიმიშ რაიონს. უნივერსიტეტის, გურაფაშ ნინა გერმანული რე, მარა შხვადოშხვა სპეციალობეფი ფრანგულო დო ინგლისურო ხოლო იკითხირუაფჷ.
2021 წანაშ მუნაჩემეფით ნოღა ჰაიდელბერგიწკჷმა აფილირებული რე ნობელიშ პრემიაშ 57 ლაურეატი დო უნივერსიტეტიწკჷმა პრემიაშ 33 ლაურეატი. უნივერსიტეტის გურაფულენდეს დო შხვადოშხვა ბორჯის აფილირებულეფი რდეს: გერმანიაშ ხუთი კანცლერი, გერმანიაშ მინისტრეფი, პოლიტიკოსეფი, დიპლომატეფი, შხვადოშხვა ქიანეფიშ თარობებიშ მადუდეეფი, გიშარჩქინელი მენცარეფი დო შხვ.
ჰაიდელბერგიშ უნივერსიტეტის, ირ წანას ითხილუ, დოხოლაფირო 1000 ოდოქტორე დისერტაცია, ჸათავრეშე ნასუმორი ურცხოალეფი რენა. უნივერსიტეტის ჸუნს საირქიანო სტუდენტეფი 130 ქიანაშე (სტუდენტეფიშ მუდანობაშ 20 პროცენტი).
ჰაიდელბერგიშ უნივერსიტეტი გერმანული უნივერსიტეტეფიშ ასოციაციაშ 15 მაკათურიშე ართ-ართი რე დო თინა ევროპაშ რკვიებეფიშ უნივერსიტეტეფიშ ლიგაშ დუმარსხუაფალი რე. ჰაიდელბერგიშ უნივერსიტეტი ოკათჷ კოიმბრაშ ბუნას ხოლო, ნამუთ რე ევროპაშ უნივერსიტეტეფიშ საირქიანო ასოციაცია. კოიმბრაშ ბუნას 41 მაკათური უნივერსიტეტი ჸუნს.
ჰაიდელბერგიშ უნივერსიტეტიშ ბიბლიოთეკა ართ-ართი უდიდაში რე გერმანიას. ბიბლიოთეკას 6.7 მილიონი წინგი რე. თაშნეშე ბიბლიოთეკას რე ჩუალირი 6,600 მანუსკრიპტი, 110,500 აუტოგრაფი, ფოტოგრაფეფიშ, რუკეფიშ დო ნახანტეფიშ დიდი კოლექციეფი. 2005 წანაშ მუნაჩემეფით უნივერსიტეტიშ ბიბლიოთეკას 34,500 აქტიური მახვარებუ ჸუნდჷ.
რესურსეფი ინტერნეტის
 | ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article ჰაიდელბერგიშ უნივერსიტეტი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.