ჩენაი (1996 წანაშახ — მადრასი; ტამილ.
სიდიდათ ქიანაშ მაანთხა ნოღა (მუმბაიშ, დელიშ, კალკუტაშ უკული), მოსოფელს სიდიდათ 41-ა ონოღე აგლომერაცია. ნოღაქ 1639 წანას დირსხუ, კორომანდელიშ წყარპიჯის (ინდოეთიშ ობჟათე-ბჟაეიოლი წყარპიჯი, ომძღჷ ბენგალიშ ჸუჯი).
ნოღა
|
თიშ უმკუჯინალო, ნამჷ-და თე ტერიტორია ოშწანურეფიშ გოძვენას ობჟათე ინდოეთიშ ომაფეეფს შქას ხეშე ხეშა გინმიშჷ, ნოღაშ ოჭარალე ისტორია კოლონიური ხანიშე იჭყაფუ, გჷშაკერძაფილო ბრიტანეთიშ ბჟაეიოლ ინდოეთის კომპანიაშა მიშულაშ უკული, მუჟამსჷთ 1644 წანას ინგლისარი ოხორუე ფორტ-სენ-ჯორჯიქ ქჷდირსხუ. ბრიტანალეფქ საფრანგეთიშ კოლონიური ნძალეფიშ დო მაისურიშ ომაფეს მუსხირენი მიშაჭკირუა მიგეს დო XVIII ოშწანურაშ გვიან წანეფს ჩენაიქ თარ ოზუღე ონიშოლო გჷნირთჷ. ინდოეთიშ ზოხორინალაშ უკული, ჩენაიქ ტამილნადუშ შტატიშ ნანანოღათ დო რეგიონიშ კულტურაშ დო პოლიტიკაშ თარ ობუკალეთ გჷნირთჷ.
ჩენაიშ ეკონომიკას ფართო საავტომობილო, კომპიუტერული, ტექნოლოგიური დო სამედიცინო ინდუსტრიეფიშ ბაზა უღჷ. ნოღა ინდეოთიშ საინფორმაციო ტექნოლოგიეფიშ (IT) დო ბიზნეს-პროცესეფიშ აუთსორსინგიშ სერვისიშ მაჟირა უშხუაში ექსპორტიორი რე. ინდოეთიშ საავტომობილო რეწუაშ თარი წილი ჩენაიშ დო თიშ გოხოლუაშა მოურს დო თაჸურეშე გიშნაველი, ნოღას შხირას ინდოეთიშ დეტროიტის ხოლო უძახჷნა. ნოღას ძალამი გოვითარაფილი რე მუსიკაშ კულტურა, მენძელენს შხუ კულტურულ მოლინეფს. ფუნქციონირენს ტამილური ფილმეფიშ ინდუსტრია.
This article uses material from the Wikipedia მარგალური (Margaluri) article ჩენაი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.