Kwaathi emva kokumka kuka Nyengana kweli lasemaXhoseni, kwavela uNxele eMgwangqa kwaNdlambe, esithi uthetha into eyithethwa nguNyengana, kwaye ke naloo nto wayeyithetha yayingaqondwa bani.
Kwaathi emva kokumka kuka Nyengana kweli lasemaXhoseni, kwavela uNxele eMgwangqa kwaNdlambe, esithi uthetha into eyithethwa nguNyengana, kwaye ke naloo nto wayeyithetha yayingaqondwa bani.
ubesithi xa efunda abantu, iinkosi zimbini, yaye zisemanzini zombini. Enye yazo nguTayi, enye nguDalidephu. Ubesitsho athi ke mabathi abantu xa bewela umlambo babulise bathi, "A! Tayi, A! Dalidephu. Loo nto ke yaba ngummiselo kubalandeli bakhe. Ubemana ethetha ke umfo kaGwala lowo, esithi umzi mawulahle ubuthi, ungakrexezi, ulawule amaphupha, athi wonke umntu azixele izinto azenzayo nawakhe wazenza. Kwaba kuphela, umzi wenza loo nto, amadoda nabafazi. uthe umfo wasemaCwerheni akubona ukuba umzi uwoyisile, waqala kaloku wavelisa elokuba, Abantu baphantsi komhlaba, baye beyakuvuka bonke ekufeni, apho bayakuphuma khona kulwandle laseGompo. Utsho wathi kodwa wona amaNgqika ayakuba ziinkunzi, iimbovane namawa kuba ahlal'ephethe igazi. Avakele amaRharhabe esithi, "Inantoni na le nto ukuba ithethwe ngulo kaGwala, ngokabani na yena? Akakho na amaphakathi alo mzi kaJwarha, amaCirha, namaNtakwenda. Bathe besitsho babe besithi , "loo mntu makavunywe ade abonakale eyona nto azakuba yiyo". Bamvuma ke bamsa ebucamagwini ngeenkomo ezimdaka, ezilubhelu, nezimnyama, laye ibala elibalaseleyo ilelimdaka nelilubhelu.
athi amaNgqika namagcaleka awuzela kwaNdlambe ngokoyika ukuba ziinkuni, iimbovane, namawa, nangokoyika ukumka noqhwithela lomoya awayesithi uyakubakho kwelo lawo.
This article uses material from the Wikipedia isiXhosa article Imbali kaMakhanda (UNxele), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiXhosa (DUHOCTRUNGQUOC.VN) is an independent company and has no affiliation with Wiki Foundation.