中秋节

中秋节是东亚民间一个节日头,年加年古历八月十五。中秋节不单单华人过,日本、越南、韩国搭朝鲜也过。另外,伊朗人也过。

中秋节

照中国古历来讲,古历八月是秋天第二个月日,早世讲仲秋,民间也讲中秋秋夕八月节八月半月夕月节;貤架箇日夜里月亮顶圆,象征团圆,也讲团圆节

起源

中秋箇词,顶早记录在《周礼》里向,《礼记•月令》里头讲:“仲秋之月养衰老,行糜粥饮食。”不过朆讲清爽,是八月哪日。

唐朝过后,中秋节日脚定牢。相传讲杨贵妃做眠梦游勒月宫,一首霓裳羽衣曲得来,民间中秋节嚇开过。一般人忖,中秋节宋朝辰光作兴起,到得辰光,中秋节便是中国一大传统节日爻。

中秋节个故事里向,嫦娥飞月个名气顶大。

嫦娥飞月

嫦娥飞月在拉民间有蛮多版本,下向讲一个:

相传讲在拉远古辰光,天上十个日头。大力士后羿用弓畀九个日头射落来,第十个太阳𢞕爻,听讲险,准时上山落山,老百姓都有福气。

后首来,后羿寻嫦娥做新妇娘。

一个日,后羿一包弗死药得来,讲箇弗死药吃落去,便会做神仙。后羿转去畀箇弗死药交畀嫦娥。

哬晓得后羿个徒弟蓬蒙想偷来吃,佢趁后羿走出外头去,偷畔爬进嫦娥个间里,逼佢交出弗死药。嫦娥弗肯,畀弗死药吃爻,随底变做仙女,一脚飞在拉月宫(月亮)里向去哉。

过节习俗

中秋节 
香港维多利亚公园花灯。(2005年)
  • 望月亮。
  • 月饼
  • 孛相灯笼。
  • 望桂花,吃桂花做起个散嘴,主要是糕干胚、糖许。
  • 拜月亮,拜太阴娘娘。
  • 送人情也是韩国人过中秋节个乡风。佢里也畀中秋节噢作“韩国人个感恩节”。

宁波、台州、温州地区个八月十六

浙江东个宁波台州温州人,过古历八月十六,算大月节头,要做羹饭畀过脱个屋里人吃。

韩国个中秋节

韩国人个放假表里畀“秋夕”个英文传做感恩节(Thanksgiving Day),秋夕在韩国是一个大月节头,会连牢放假三日。早时交通弗方便个辰光,民间会得趁箇辰光转老屋里望亲人。便今朝碰着秋夕,早一日,韩国各个大公司都会打折,吸引老百姓买物事送人情。

越南个中秋节

越南人古历八月半过中秋节,讲Tết Trung Thu(节中秋。“”是喃字,“中秋”是汉越音) 。箇日夜里,小人要听阿贵个故事。越南小人在拉中秋夜里都要揢鲤鱼灯走出去嬉,有鲤鱼“蹿龙门”个意思。

日本个中秋节

日本传统个中秋节十五夜,也讲中秋明月、芋明月、栗明月。玱朞个日本人,中秋节都不过哉。箇日大家人生活都不做,僵屋里啤酒吃吃,月亮也弗望,只电视望望。传统文化沒落爻,后生人都弗晓得月节头怎而来搭何物意思,听着放假,只晓得箇日班弗用上哉。

伊朗个中秋节

伊朗个中秋节,名字讲Mehregān(波斯文: 或Jašn-e Mehr Mithra Festival)节,是琐罗亚斯德教个经典月节头,用来感谢yazata密特拉(波斯语:Mehr ),象征爱情、友好、光明之意。月份在伊朗历秋个7月份,也便是公历10月光景(塔吉克斯坦勒年加年10月8号过)。Mehrgān节在波斯帝国箇朞是庆祝隆重险。吤个辰光,道道国王带头办大仪式。后晚,在伊斯兰早个伊朗,过Mehrgān搭新年诺鲁孜节一样重要。后晚蒙古人打进伊朗爻,Mehrgān盛宴人气且凉落去爻。 箇玱,便只Yazd搭Kermān个琐罗亚斯德教徒还用奢华方式过箇Mehrgān节。另外,一许住在外国个伊朗人也会举行庆祝仪式过Mehregān节。

中秋诗词

交关古代诗人写着歌颂中秋节个诗词。

宋朝苏轼写个词——《水调歌头•明月几时有》顶顶有名哉:

明月几时有?把酒问青天。不知天上宫阙,今夕是何年。我欲乘风归去,又恐琼楼玉宇,高处不胜寒。起舞弄清影,何似在人间! 转朱阁,低绮户,照无眠。不应有恨,何事长向别时圆?人有悲欢离合,月有阴晴圆缺,此事古难全。但愿人长久,千里共婵娟。

参考文献

  1. 林之光,中秋个赏月天气 档案,存勒互联网档案馆当中。(2003年8月31号),科技日报,2000-9-9(4)。

外部链接

中秋节 
维基共享资源里向寻得着搭该篇文章搭界个多媒体资源:

Tags:

中秋节 起源中秋节 过节习俗中秋节 宁波、台州、温州地区个八月十六中秋节 韩国个中秋节 越南个中秋节 日本个中秋节 伊朗个中秋节 中秋诗词中秋节 参考文献中秋节 外部链接中秋节

🔥 Trending searches on Wiki 吴语:

8月19号章子怡中华人民共和国境内地区电话区号濯足节隋朝老挝泰国人妖三国海盗湾亚马逊公司李香琴侧田EBay景山公园王大陆活字印刷术龙井茶艾利斯斯普林斯女武神宋承宪理查一世吴语蝴蝶夫人波兰明十三陵亚足联亚洲杯若望·保禄二世圣周五领导力真·女神转生曹格第一代纳尔逊子爵霍雷肖·纳尔逊我是歌手(第三季)蛋(安迪·威尔)饭岛爱碧桂园捷星航空肉豆蔻深圳市鹿晗罗文老布什那英野比大雄张震(演员)国家橄榄球联盟何赛飞波音ZARD中华民国一级方程式赛车氟康唑扎哈·哈迪德原核生物李佳薇言承旭马丁·海德格尔Β函数陈宫大众甲壳虫秦汉(演员)王健林东方集团色情片张柏芝东京晴空塔明治上海轨道交通7号线斯多葛主义林忆莲陈良宇三皇五帝圣斗士星矢克里斯·海姆斯沃斯维生素D🡆 More