月饼

古代月饼勒中秋节喫，取团圆之意。宋代周密《武林旧事》开始有“月饼”个记载。明代已经勒民间流行。传说元朝个辰光汉人拨元人统治，苦来交关，朱元璋起义反元，但是元军控制严密，起义军呒得办法传递消息，为此刘伯温献计，勒中秋节互相送糕饼，里向夹纸头，上头写居几个字“八月十五杀韃子”，作起义个讯号。清代就已经有仔介绍哪亨做月饼个书哉。清代杨光辅写道：“月饼饱装桃肉馅，雪糕甜砌蔗糖霜”。

• 按产地：京式、广式、苏式、台式、滇式、港式、潮式、甚至日式等；
• 按口味：有甜味、咸味、咸甜味、麻辣味；
• 按馅心：有蛋黄莲蓉、五仁、豆沙、冰糖、芝麻、火腿、水果月饼等；
• 按饼皮: 有浆皮、混糖皮、酥皮三大类；
• 按造型：有光面月饼、花边月饼搭孙悟空、老寿星月饼等。
• 新款月饼：
  • 冰皮月饼：特点是饼皮无需用烤，冷冻之后就好吃。
  • 果蔬月饼：特点是心子主要是水果蔬菜，风味各异，有清新爽甜个风味。
  • 海味月饼：内含鲍鱼、紫菜、鳐柱等，口味微带咸鲜，以甘香著称。
  • 纳凉月饼：是拿百合、绿豆、茶水加进月饼心精制而成，有清润、美颜个功效。
  • 椰奶月饼：以鲜榨椰汁、淡奶搭瓜果制成心子，含糖量、含油量侪较低，口感清甜。
  • 茶叶月饼：又称新茶道月饼，以新绿茶为主要心子成分，口感清淡微香。
  • 保健月饼：对身体有较好个保健作用。有人参月饼、钙质月饼等。
  • 象形月饼：外观形象生动，小官头子欢喜。

品尝与存放

• 要适量。
• 要喫鲜鲜月饼。
• 冰皮月饼室温摆放顶好弗超过两个钟头

月饼个做法，弄水油面团或者酥油面团作皮，里向包心做成扁圆形生胚，再放进模子压，让渠表面有凸凹花纹，烘烤熟仔再食用。

因为月饼是时令食品，过仔中秋就呒人问津哉，个咾市面浪个月饼侪只好作低价抛售。香港有人想出各种办法来处理积压勒屋里个月饼，有人拿月饼心子拿出来包汤圆等等。每年香港政府侪会得劝市民弗要喫忒多月饼，吸收忒多糖份，预防渠影响健康，但是市面浪有商家想着办法，生产低糖月饼拨糖尿病病人食用。另外，近年来每年香港侪会得有环保团体勒中秋过后举行月饼罐回收活动，防止浪费资源。

2001年9月3号，中华人民共和国中央电视台曝光过南京冠生园食品有限公司回收朆卖脱个月饼心子，第二年重新用个做法，而且搿个公司负责人讲：全国个月饼行业侪是这实梗做个，引起轩然大波。

近个几年把，商场里向出现贵来交关个月饼盒包装个月饼，拨有星人用得来行贿，中国政府勒2005年出台法律，规定从2006年起，月饼个包装成本弗得超过月饼价值个20%。

2006年台湾“百万人倒扁”总部效法朱元璋起义推翻元朝个做法，做“倒扁月饼”，拿写“倒扁静坐”辰光个纸头夹勒月饼里向。

 

维基共享资源里向寻得着搭该篇文章搭界个多媒体资源：

月饼