龙井茶(杭州话语,),是产拉浙江个一种茶叶,地方是中间一带,有西湖、钱塘、越州三个产区。龙井茶是中国个名茶之一,属于绿茶。箇里向杭州西湖产区个西湖龙井名气顶大。
茶文化专家考证出来,西湖龙井大概有1500年个历史。唐朝茶学家陆羽拉他个《茶经》里向载“钱塘天竺灵隐二寺产茶”,钱塘就是杭州,天竺寺同灵隐寺全部拉西湖西面。清朝个辰光,乾隆皇帝四卯次拉龙井观茶品茶,拉龙井村题“龙井八景”,封了“[十八棵御茶]”,从拉个辰光龙井开始成为清朝皇家个贡品。
西湖龙井产茶个地方有168平方千米。照产茶个小地方划了狮(龙井村狮子峰个茶“狮峰龙井”,顶好),龙(石屋四山龙井,格里向翁家山个茶同狮峰龙井差不多),云(云栖、梅家坞个茶,产量顶大,叫梅坞龙井),虎(虎跑个茶)四种,只有个四个地方个龙井茶才有资格叫西湖龙井,包装上头会贴原产地个地理标志,让大家晓得个格茶产拉西湖旁边哪里个地方。而且还贴了杭州市质量监督局个二维防伪条码,假如说是明前茶,炒茶个人个名儿还会得拨他贴拉包装高头。
照茶叶采摘时节划为明前茶同雨前茶等:
由于西湖龙井个新芽儿特别嫩,摘个时候不好用指甲掐,格会留了永久痕迹。正确个摘法是拔出嫩芽儿,相传顶好个新茶要采茶姑娘用嘴唇拨了来。西湖龙井摘了以后要放拉竹筛上头晾个大概半天个辰光,格样可以减少茶中个青草味道,让水分达到炒茶个要求,而且新茶拉炒个辰光不会结团。然后把晾好个新叶大致分类,照叶子个品质档次来决定假格套炒。炒茶用手,工艺包括“抖、带、挤、甩、挺、拓、扣、抓、压、磨”十种手法。过程分成青锅、回潮、辉锅三个阶段:
辉锅完了个茶叶起锅凉了就是成品个西湖龙井了。2007年下半年龙井茶个炒茶技术申报国家非物质文化遗产。
西湖龙井以“色绿、香郁、味甘、形美”著名。吃茶要用80℃个开水拉透明玻璃杯或白瓷杯中泡,泡个辰光可以观茶个形态。上品要用虎跑个泉水来泡,杭州人说“虎跑泉水龙井茶”。
This article uses material from the Wikipedia 吴语 article 龙井茶, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另外声明,内容用CC BY-SA 4.0授权。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 吴语 (DUHOCTRUNGQUOC.VN) is an independent company and has no affiliation with Wiki Foundation.