长江

长江也是文明个发源地之一，发源来勒长江流域个文明，历史超过1万年。具体可以分为吴越文化、江淮文化、江右文化、湖湘文化等。长江中下游，是土地肥沃个长江三角洲，此地面积大概4万平方公里，但经济总量占中华人民共和国GDP个20%。长江流域生态类型多，水生生物资源丰富，是交关濒危动物像扬子鳄搭达氏鲟个栖息地。几千年来，吴越人、楚人古蜀人利用长江取水、灌溉、排污、运输、发展工业等。

近年来，长江受到邪气大个工业污染、农业径流、河沙淤积、湿地搭湖泊减少个威胁，伊些污染让季节性洪水发生频率增高。长江个一些地区畀划为保护区。云南三江并流保护区因为自然搭文化资源个丰富性，畀联合国教科文组织列入世界自然遗产。

老法头里，长江个专称是“江”，春秋战国辰光个古籍《尚书》《尔雅》《左传》等侪有对“江”个记载。自汉代开始，长江开始畀称作“大江”。六朝开始出现“长江”个名称。

长江个干流江段各有别称，其中宜宾到宜昌叫做川江，枝江到城陵矶叫做荆江，安徽境内江段叫做皖江，南京下头到长江口个江段又称扬子江。扬子江迭个名称是隋代来勒扬州南岸设置个著名渡口扬子津，老早专指扬州、镇江附近江面，后头所指范围有所扩大。明末清初时，自海上来个欧洲人从长江口溯流而上经过扬子江，因此欧洲闲话普遍用“扬子”（Yangtze）作为整条长江个名称。

• 青海
• 四川
• 西藏
• 重庆
• 湖北
• 湖南
• 江西
• 安徽
• 江苏
• 上海

长江是吴越个母亲河之一。虽然对吴越来讲，地位没钱塘江介重要，弗过，从地理个角度看，长江是吴越搭江淮个传统分界线。