托勒密王朝(希腊文:τολεμαϊκὴ βασιλεία, 拉丁化转写:Ptolemaïkḕ Basileía)是古世中后阶段,立在亚历山大东征之后立在老早埃及出现个一个希腊化王朝。迭个王朝个创始人托勒密一世是亚历山大大帝麾下干将,立在亚历山大大帝死脱之后跑到埃及自立为当地个法老。同时抢夺亚历山大灵柩,弄到自家大力修造个亚历山大港供奉。并兴修亚历山大港灯塔。让亚历山大港成为希腊化时代顶顶有影响力个城市。同时,对内部传统个埃及文化宗教,伊也去讨好迎合,让埃及人相信自家是伊拉法老当中个一位。伊死脱之后,交关托勒密王朝个法老侪延续迭个策略,成功让托勒密成为个辰光经济繁荣,国家稳定个一个王朝。到公元前50年左右,托勒密王朝强烈受到新兴个罗马共和国极大影响,托勒密内部个王权斗争导致凯撒、安东尼等人先后介入,埃及艳后为凯撒产仔,并成功让凯撒作为自家个担保人,迭个情人地位后势来畀安东尼继承。弗过,公元前31年个亚克兴角海战当中,安东尼惨败,之后屋大维进入埃及,终结托勒密王朝,埃及艳后自裁,之后个罗马帝国皇帝开始自称是埃及法老。弗过迭个辰光埃及老早丧失独立性,只世罗马帝国统治下头个一个富裕行省哉。
This article uses material from the Wikipedia 吴语 article 托勒密王朝, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另外声明,内容用CC BY-SA 4.0授权。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 吴语 (DUHOCTRUNGQUOC.VN) is an independent company and has no affiliation with Wiki Foundation.