Tanganica
Li Tanganica fourit-st on vî payis e l' Afrike levantrece, lomé d' après l' laetche Tanganica, k' esteut si frontire coûtchantrece.
.svg)
.svg)
E 1964 i s' va ratrocler avou Zanzibar po ahiver li Tanzaneye.
Etimolodjeye
Li no e lingaedje swahili vout dire ådla (ou padrî) l' Tanga, dj' ô bén l' erî-payis des djins ki vikèt sol coisse, el veye di Tanga.
Istwere
Di 1884 a 1919 (disk' å påye di Versaye) fourit ene colneye almande, lomêye l' Afrike levantrece almande.
Tins del Prumire guere daegnrece, e 1916, l' årmêye bedje, vinant do Congo bedje, mousse e Tanganica, et vinkixh les tropes almandes al batreye di Tabora.
Mins c' est les Britanikes, k' ont-st ataké a pårti d' leus conleyes e l' Afrike levantrece, ki vont-st adon ocuper l' Tanganica.
A pårti d' 1922 li payis sreut administré på Royåme Uni pa on mandat del Soce di Nåcions, rinovlé e 1946 pazès Nåcions Uneyes.
Li 9 di decimbe 1961 li payis s' dislaxhe, eyet l' 9 di djun 1962 i dvént ene republike.
This article uses material from the Wikipedia Walon article Tanganica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.