Inzime
Èn inzime, c' est ene molecule do coir ki va roter come on tchimenondeu dins ene reyaccion biyotchimike.
Pa côps, l' inzime a dandjî d' l' aidance d' ene ôte molecule, li cowinzime po poleur fé s' bouye.
Motlî
Les inzimes si lomnut pa des nos ki finixhèt todi pal cawete -åze.
Sacwants inzimes
- lactåze: ele va sketer les molecules di lactôze (souke do laecea); normåldimint, gn a k' les efants et les djonnes des biesses ås tetes k' end ont po fé.
- eviercopiåze (fr. transcriptase inverse): ele permete ås virûsses å Seur Ribonawearin di rfé on boket d' SDN (ADN) ki våt l' dobe di leu djenôme, por zels ès poleur mopliyî.
Uzaedje difoûtrin des inzimes
Sacwants inzimes ont stî prodûts tchimicmint, et eployî po des ovraedjes foû do coir, come dins les savons al bouwêye.
Ces inzimes difoûtrins la ont eto stî maxhî ås alimints industriyels (aprume po les poyes et les pourceas) po-z aidî l' ovraedje normå di didjeraedje di sacwants compôzants des alimints (come les raboulets).
This article uses material from the Wikipedia Walon article Inzime, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.