Hubert Haas: Scrijheu
Hubert Haas, c' est on scrijheu e walon k' a skepyî li 23 d' awousse 1919 a Tcheslet. Il î a morou e 1976.
Il est rprins dins l' antolodjeye Fleurs diyalectåles et dins l' Antolodjeye Scrire.
Di s' mestî, il esteut electricyin et watman a "Solvay".
Ouve e walon
Il a scrît des arimés, d' on livea del vraiye powezeye. Il est dins l' mouvmint del powezeye imådjrece des djins come Georges Smal et Jean Guillaume.
I wangna s' prumî pris di scrijhaedjes e walon e 1968, al bate metowe so pîs po les 20 ans do Bourdon. Après, i moussa a l' ALWAC. Il a bråmint aprins avou Emile Lempereur.
E 1982, il eplaide ene ramexhnêye d' arimés, «Pal craeye d' ene pitite voye».
Corwaitaedje di ses powinmes
Motlî
Foirt ritche : vocial sacwants mots k' on-z î pout rilever
Rite et zunance
I plaece voltî l' addjectif divant l' no :
- Vo schårdêye imådje ki prind veye
- Après l' eure do prumî ddjuner
- Mins k' avoz, feme, dissu vo tiesse ?
- (...)
- Ni sereut ç' nén vo tcheyåde djonnesse
- Ki s' ertaenreut påzès mwais tins ?
Il eploye voltî li shûte addjectif femrin pluriyel metou padvant (avou l' cawete -ès)
- Påjhirès crosses, catcheyès stoeles,
- Rachidès eures d' ene taeye di pwin,
Hårdêyes difoûtrinnes
- Pådje di ses scrijhaedjes (so l' Aberteke)
- Ses bokets eplaidîs dins l' antolodjeye "Fleurs dialectales" (mwaisse modêye)
Sourdants
This article uses material from the Wikipedia Walon article Hubert Haas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.