Li guere di 1870, ci fourit ene guere inte les Francès et les Prûssyins.
Les sôdårds di l' årmêye francesse avént des rodjès marones et des rodjès calotes. Dins ces redjimints la, gn aveut eto des Spayisses.
Gn aveut des Walons dins les årmêyes ki s' batént : les djonnes del Walonreye prûssyinne k' estént ås sôdårds di ç' tins la. Si on aconte les walon-cåzant francès del Walonreye di France, la co ene guere k' gn aveut des Walons des deus costés.
Avou ça k' i gn a yeu des grossès batreyes djusse astok del Walonreye, a Sdan.
Les dierins prijhnîs francès ont rpassé del Prûsse pa Vervî e 1871.
Les Francès ont pierdou, et dveur diner l' Alzaece et l' Lorinne al Prûsse.
Après l' guere di 1870, gn a yeu bråmint des djins di l' Alzaece, del Lorinne et del Såre k' ont-st ebagué el Walonreye. Il î ont leyî des nos d' famile come Schul, Kaufman, Keller, Schneider, Schweitzer, Hendschel, Binsfelt.
Gn ourit eto des Francès di stok k' avént vnou dmorer avårla et k' ont continouwé d' viker el Prûsse, çou k' esplike des nos almands come "Lafontaine".
This article uses material from the Wikipedia Walon article Guere di 1870, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.