Im Dütsch-Franzöösische Chrieg vo 1870–1871 (zitgenössisch au dr Sibziger Chrieg oder 70/71 gnennt) het s Kaiserriich Frankriich em Köönigriich Pröisse bzw.
em Norddütsche Bund dr Chrieg erkläärt. Druf häi sich au die drei süddütsche Staate, wo no 1866 gege Pröisse kämpft häi, uf die pröissischi Site gstellt. Innerhalb von e baar Wuche si im Spootsummer 1870 die franzöösische Armeä besigt gsi und dr Käiser Napoléon III. isch gfange gnoo worde. Frankriich het denn aber as Republik dr Chrieg witergfüert und isch erst im Früelig 1871 zum Friidensschluss baraat gsi, nochdäm Bariis vom 19. Septämber 1870 aa belaageret worden isch. Die revoluzionääri Bariiser Kommune het dr Kampf gege Dütschland welle witerfüere, isch aber am 28. Mai 1871 vo de franzöösische Regierigsdrubbe bluetig niiderdätscht worde.
Dr Dütsch-Franzöösischi Chrieg | |||||||||||||
---|---|---|---|---|---|---|---|---|---|---|---|---|---|
S pröissische 7. Kürassier-Regimänt grift die franzöösische Stellige in dr Schlacht vo Mars-la-Tour am 16. August 1870 aa. Zitgenössischi Darstellig us Canadian Illustrated News, 19. Novämber 1870, vol.II, no. 21, 336. | |||||||||||||
| |||||||||||||
Konfliktparteie | |||||||||||||
Norddütsche Bund Köönigriich Bayre | Frankriich | ||||||||||||
Befählshaber | |||||||||||||
Wilhelm I. | Napoleon III. | ||||||||||||
Truppesterki | |||||||||||||
300.000 am Aafang vom Chrieg (alles in allem mobilisiert: 1.400.000) | 400.000 am Aafang vom Chrieg | ||||||||||||
Verlust | |||||||||||||
44.781 Dooti 89.732 Verwundeti | 138.871 Dooti 143.000 Verwundeti 474.414 Gefangeni |
Schlachten und Belagerungen des Deutsch-Französischen Krieges (1870–1871) |
---|
Weißenburg – Spichern – Wörth – Colombey – Straßburg – Toul – Mars-la-Tour – Gravelotte – Metz – Beaumont – Noisseville – Sedan – Sceaux – Chevilly – Bellevue – Artenay – Châtillon – Châteaudun – Le Bourget – Coulmiers – Amiens – Beaune-la-Rolande – Villepion – Loigny und Poupry – Orléans – Villiers – Beaugency – Hallue – Bapaume – Villersexel – Le Mans – Lisaine – Saint-Quentin – Buzenval – Paris – Belfort |
Em Chrieg säit mä z Frankriich und au im änglische Sproochruum dr Franzöösisch-Dütschi Chrieg (Guerre Franco-Allemande bzw. Franco-Prussian War), wil mä dört zerst dr Aagrifer und denn dr Aagriffeni nennt. Usglööst isch dr Chrieg worde wil sich Frankriich bi dr spanische Dronfolg iigmischt het und wäge dr Emser Depesche, wo drüber brichdet het.
Dr Chrieg isch dr dritt und letscht vo de Dütsche Einigungschrieg und het zur dütsche Riichsgründig gfüert, wo dr Bismarck aagsträbt het. D Niderlaag vo Frankriich, d Broklamazioon z Versailles vom pröissische König Wilhelm I. zum Dütsche Kaiser, d Reparazioone, wo Frankriich het müesse zaale, und d Iigliiderig vo Elsass-Lothringe ins Dütsche Riich het zum franzöösische Revanchismus gfüert.
Dütsch-Franzööische Chrieg im dütschsprochige Wikisource
This article uses material from the Wikipedia Alemannisch article Deutsch-Französischer Krieg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.