Foite Droete

Li foite droete, c' est ene alomåcion ki rashonne des mouvmints u pårtis politikes metous a l' aschate a droete sol tchantî politike, come les nazis, les recsisses, les fachisses, les noûrecsisses.

 

Mouvmints istorikes

• Recsisses (inte di zels : les noûrecsisses)
• Nazisse
• Fachisse

Pårtis do 21inme sieke

• Vlaams Blok (Blok flamind) k' a stî rilomé Vlaams Belang ([WA] Impôrtance Flaminde).
• mouvmints d' foite droete e l' Walonreye: bråmint moens pouxhants k' el Flande, et ki n' s' ont måy polou rashonner.
• Front Nåcionå francès k' a stî rilomé Rassemblement National ([WA] Rashonnaedje Nåcionå) e 2017.
• Civitas, on mouvmint d' integrisses crustins k' est actif e France eyet e Walonreye
• pårti otrichyin d' foite droete (k' a stî e govienmint sacwants côps)
• noû pårti almand d' foite droete (k' a wangnî disca 15 cint des vwès dins des vôtaedjes al fén des anêyes 2010.
• Forum voor Democratie (Neyerlande)
• Partij voor de Vrijheid (Neyerlande)

Les pårtis del foite droete n' ont nén tertos les minmès idêyes, cou ki ls espaitche, paregzimpe, di fé on blok e Pårlumint uropeyin.

Emey leus cmonès idêyes on pout citer li nåcionålisse (çou k' elzès va rinde sovint disconte di l' Union uropeyinne, li haeyime do comunisse, do socialisse, di l' islam, et di tot çou k' est diferin des vîyès dujhances do payis (wårdivieusté).