Joselyne Mostenne: Sicrijheuse e walon, ki scrît ossu e francès

Elle a vnou å monde li 29 di decimbe 1949.

Ele sicrît eto e francès.

E 2021, elle a dispierté ene viye kinoxhance do walon (accint d' Yon) did cwand elle esteut efant, tot soçnant e l' copinreye di Rotchfoirt. Adonpwis, shuve les scoles di Bive, la k' elle a renondé li soce des rcåzeus d' Årdene nonnrece (2022).

Ses tecses ont parexhou, diré 2022, dins l' Rantoele-gazete et dins Singulîs, ey esse eto eplaidîs so Wikisourd a fwait d' leu produjhaedje. Mins end a eto k' elle a scrît po onk di ses prôpes lives.

E 2023, elle a stî eplaidî eto dins Les Cayés walons.

Ele sicrît del prôze nén racontrece, rashîte so des sovnances d' efant. Mins sacwants bokets provnèt di s' veye di grande djin, passêye 40 ans après Brussele.

Mins n a des tecses ki polèt esse veyous come del prôze-powezeye.

Adon, rexhe so ene cresse k' i vos fåt ascoxhî po-z aporçûre les glaeces padzo vos, essôrcelantes a côper l’ alinne, et ki l’ vint fwait tchanter. On tchant måy etindou, come on tchant ki vénreut des parfondeurs del tere.

Mins c’ est aprume li silince — li sôlante taijhance des hôteurs — ki vos rtoûne, côpêye a moumints pa ene criyåde coirnaye k’ on lome, vaila, ene tchawe.

•   Vos trouvroz des racsegnes so les ouves da Joselyne Mostenne, u les ouves zeles-minmes, so Wikisourd e walon.
•   Li Wiccionaire si rsieve di sacwantès fråzes da Joselyne Mostenne po-z enimådjî des mots k' i gn a.
• Waibe so ses scrijhaedjes e francès
•   Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye «tot rmetant ene paltêye» pa Joselyne Mostenne pol Djåzant atlasse éndjolike des lingaedjes di France et d' avår la.