Crexhioûles
Des crexhioûles (on dit eto des crexhinces, des crexhances u des forcrexhances), c' est des glandes linfatikes inflêyes, ki vnèt come des nuketes metowes dizo l' pea et k' on hape tins del crexhinne, u dins des maladeyes.
Les crexhioûles sont diferinnes des glandes inflêyes dins li ptizeye (adénite scrofuleuse).
Cåze des crexhioûles ordinaires
Les crexhioûles ordinaires, sins grosse maladeye, c' est purade les efants et les ptits djonneas k' els atrapèt. Elle evont sins leyî d' marke so 15 djoûs troes samwinnes. On rtrouve padecô des passêyes antidjenike d' ene pitite atake på citomegalovirûsse.
Les crexhioûles dins les maladeyes d' on boket do coir
On-z atrape des crexhioûles pus hôt dins l' prumire glande linfatike ki rçût li linfe do boket do coir k' est malåde. Metans:
- a l' axhele cwand on-z a on må dins les bresses u ås sins po les femes (maladeye des gretes di tchet, magnant må do sin).
- a l' ayinne del djambe cwand on-z a on må dins les djambes u les pårteyes.
- å cô.
- dizo l' badjawe (matchureas).
Les fives ås crexhioûles
C' est des maladeyes des djins u des biesses avou del five et des crexhioûles.
- Five ås crexhioûles des vatches.
- Fives ås tripanozomes
- li Aiwe-e-cour (maladeye des vatches ås riketseyes)
This article uses material from the Wikipedia Walon article Crexhioûles, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.