Veskeveye

'Veskeveye (la-minme Vèskèvèye, a Årveye Vèskèvaye, a Libin, Vèskuvîe; F. Vesqueville), c' est èn ancyin ptit ban del Walonreye, rebané avou Sint-Houbert el province do Lussimbork.

• Limeros del posse :
  • asteure : 6870
  • davance : 6901
• Limero diyalectolodjike: Ne 17
• Lomaedje et spotaedje des djins did la:
  • Lomaedje: Veskeviyî, Veskeviyresse; (F. Vesquevillois, oise)
  • Sipotaedje: les Vesseus.

A vey avou les tienes et les vås

• Mayåvå (fr. Mayavaux)

Djins et soces

 

• Sicrijheu e walon : Willy Leroy î a stî lontins mwaisse di scole, et î dner des cours di walon
• Teyåte e walon : Dramatike "Cercle vesquevillois", askepyî e 1989; a djouwé des pîces di sacwants scrijheus walons come Christian Derycke u Charles Bentz, mins eto des eternåcionås. Totes les pîces estént redjårbêyes avou l' accint walon do viyaedje pa Willy Leroy.

Accint walon d' Veskeveye

 

Mågré ki Veskeveye n' est k' a 2 km do Bork, l' accint walon î est ene miete diferin. Cial, li spotchåve voyale est "è" ("u" a Sint-Houbert). Ces diferinces la serént la a cåze del raloyance rilidjeuse di Veskeveye al pårotche di Freu et nén å Bork.

Les viebes del prumire sôre sont-st avou l' cawete -è (et nén -er, come a Libin, 10 km lon).

Eredjistrumint

  Cial, vos ploz schoûter èn eredjistrumint del fåve do vî vî tins «Li bijhe et l' solea» avou l' accint d' Veskeveye pol Djåzant atlasse éndjolike des lingaedjes di France et d' avår la.

 Loukîz a : Dramatike di Veskeveye#Hårdêyes difoûtrinnes

• Ene videyo so ene pîce e walon a Veskeveye (On dit k' les manaedjes ni vont pus)
• Shûte del pîce et responda des djouweus