Djimbe

"Gembes"), c' est èn ancyin ptit ban del Walonreye, rebané avou Dåvdisse, e l' province do Lussimbork.

Djimbe est metou al maxhe des aiwes di l' Almaxhe et del Rancene, çou ki pôret espliker s' no, a pårti do gayel (come Djinape et Djmele).

• Limero del posse: 6929 (davance 6889)
• Limero diyalectolodjike: Ne 20; mwaisse pont d' l' A.L.W.
• Etimolodjeye et vî(s) scrijha(s): rl a : Djimbe.
• Sipotaedje des djins: les Minousses.
• Po les vî(s) scrijha(s), riwaitîz dins l' esplicant motî.
• Eplaeçmint sol Daegn : 50°00'00 N - 5°03'59 E
• Stindowe : 792 Ha.
• Hôteur : 315,13 metes dizeu l' mer sol soû d’ l’ eglijhe.
• Dimanants: 386 (1893)

• A vey avou des tchamps et des sårts :
  • Gåssåt (sårt Waldo, so plaece: Gossau, e F. Gosseau).

• A vey avou des åbes et des bwès :
  • Bwès-Ban (so plaece: Bwâban).
  • å Tchenlisse.
  • Li Planinea (e F. Planiné, vî scrijha : Planinay)

• A vey avou des dmorances et des djins :
  • a Djimbrêye (e F. Gembreille, Gembrai), ki sereut l' vî Djimbe, u li Ptit Djimbe (Djimbrea), metou al copete do Ri d' Planinea.
  • Al Coulêye (so plaece: al Culéye).
  • So Hodimont (so plaece: so Dumont, e F. Sodimont)

• A vey avou des aiwes :
  • Ri d' Bissu, aiwe ki court so Sohire.
  • Å Graevî
  • Gådri (so plaece Gaudru, ri da Waldo).
  • a Ritchåfontinne (F. Rèchanfontaine)
  • Li Pont des Gades.

• A vey avou des Monts et vås
  • Les Rwesses d' Our (so plaece: les Rwasses d' Our, e F. Croix d' Or).
  • So les Moyus.

Istwere

E 13inme sieke, Djimbe, tot come Bive, dipindeut des moennes do Mouzon. Cwand il ont vlou basti Prwajî, i s' ont arindjî avou l' eveke di Lidje, k' esteut ossu duk di Bouyon et Djimbe a todi dmoré e l' Dutcheye di Bouyon.

• Eglijhe: 1877-1878 a Sint Djan, so ene viye eglijhe k' avot pus d' 100 ans. L' alou d' Poitchrece dipa=indeut di l' eglijhe di Djimbe.

Pol comene :

• An V. Dipårtumint di Sambe et Mouze
• An VIII. Arondixhmint di Sint Hubert
• An X. Canton d' Welin.
• 1814 Dipårtumint Sambe et Oûte.
• 1815 Province di Nameur
• 1818 Province du Lucsambourg, arondixhmint d' Måtche
• 1823 Comene di Hôt-Fayi
• 1837 Comene di Djimbe
• 1839 Arondixhmint do Tchestea

A vey

Li trô l' ermite, ki c' est on crin d' rotche so l' Almache. On dit k' al pesse di 1636, i n' dimoréve pus a Djimbe ki deus frés. Il ont don vnou vey l' ermite, k' esteut ossu sôrcî et ki lzî a dné ene yebe a mwârciyî, po schaper del pesse.

Li rotche do Maki d' Graide: a on bon kilomete, e rmontant Ransene, après awè passé l' Mont, gn a l' site del batreye des makizårds avou ls Almands li prumî d' setimbe 1944.

  Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye pa Gaston Wilvers avou l' accint d' Djimbe pol Djåzant atlasse éndjolike des lingaedjes di France et d' avår la.