Li betråle u petråle, c' est ene ahivêye plante.
Sincieus no d' l' indje : Beta vulgaris.
Gn a des betråles å souke et des betråles po les biesses (betråles-fôraedje).
Li cene po les vatches est rodje et ronde, del cogne d' ene botaye å rvier. Li cene å souke rishonne pus a on traitoe, avou ene grande cawe, ey elle est pus blanke.
Gn a eto les rodjès betråles k' est ene verdeure po les djins.
Dinltins, on lzès seméve a royes.
On ls aclairixheut tot passant avou ene raezete, pu al mwin. C' est l' asclairixhaedje u distoclaedje u distroclaedje ou treråyaedje ou metaedje a ene.
Asteure, on lzè-s seme al machine, ki n' mete pus k' ene grinne la k' el va crexhe.
Li råyaedje si fjheut avou ene fotche a shijh dints (po n' les nén froxhî). Adon, on les cawéve avou on fiermint.
On les pleut wårder sol tchamp po l' ivier, tot fjhant des motes.
Il est diswalpé so 90 pådjes dins l' live Gaziaux so les coûteures (pp. 57-147).
This article uses material from the Wikipedia Walon article Betråle, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.