Arimés Al Taxhlete
"Al taxhlete", c' est ene ramexhnêye d' arimés da Georges Smal, k' a vudî e 1956.
C' est onk des prumîs lives di powezeye imådjrece e walon.
On powinme d' «Al taxhlete»
- Låvå sol soû
- Låvå sol soû, plinne di farene,
- Come ene andje esconte do solea
- Li djonne mônresse waite sol pazea
- Ene ombrire d' aiyes. Sereut ç' les sinnes ?
- Ki n' so dj' al bezêye di frumint
- Ki vos trevudoz dins les batchs !
- Dj' sereu l' poye ki dmorreut å saetch
- Po k' vos m' prindoxhe avou vosse mwin.
- Mônresse, si vos serîz ene pire
- Dji tchantreu e m' leyant moudri
- Et mes poennes end irént sol ri
- Come les xhos k' ont passé l' bårire.
- Mins e gurnî, on crås molon
- Aveut vnou tarodé les aiyes.
- ... Gn a pus k' ene poûssire sol pavêye
- Et l' feye do mônî waite pus lon.
This article uses material from the Wikipedia Walon article Al taxhlete (arimés), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.