Tétouan (uut de Berbersche toale : ⵜⵉⵜⴰⵡⵉⵏ ; Aroabiesch : تطوان ; Spoans : Tetuán; Fransch : Tétouan) is e stad in Nôord-Marokko.
De Berbersche noame wil lettrlik zeggn "d' oogn" en figeurlik "de woatre-bronn". Tétouan is êen van de twêe belangrykste haavns van Marokko an de Middellandsche Zêe. 't Ligt ip korte afstand van de Stroate van Gibraltar, en 60 kilomeetrs Ôost-Zuud-Ôost van Tanger. In 2004 ad de stad 320 539 inweuners. Tétouan zyn burgrlikke vlieg-haavn Sania Ramel is geleegn ip 6 kilomeetrs no 't Ôostn.
't Aroabiesch is d' offisjêele toale mo z' is nie alledoags gebruukt. De stad ê zyn eign streektoale , e speesjoale steedlikke variante die verschilt van 't Zjebli-Arabiesch uut de streeke . Echtre, 't Zjebli-Arabiesch is oovrêersnd omdatr menschn uut de landlikke omgeevienge undre gevestigd ên by de landvlucht in de twientigste êewe . 't Gebruuk van 't Fransch en 't Spoans is nog oltyd wydverspreid speesjoal in zaakn- en intelektwêele middns. De belangrykste godsdienste is den Islam; dr bestoan klêene gemêenschappn van kristnn en joodn.
Ofbeeldiengn die ier by passn ku je vien in de categorie Tetouan van Wiki Commons. |
This article uses material from the Wikipedia West-Vlams article Tétouan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.