Luc Glorieux
Luc Glorieux (Kortryk, 6 september 1942) es voorol gekend vo zyn bydroagn an 't promootn van den autocar of den ottobuus.
Ie es actief in de FBAA (Federatie van de Belgische Autobus- en Autocaroundernemers en Reisorganisatoren) en eit enigte autocarbeurzn ipgericht, woavan dat den bekendstn Busworld es in d'alln va Kortryk (Kortrijk Xpo). Die beurze eit internationoal belang en es wrêed belangryk vo Kortryk. Glorieux eit hem ol vree moetn weiren vo de beurze in Kortryk t'oudn.
Ip moandag 18 september 2006 woun 't ie de twêejoarlikse Westtoer-Prys Fernand Peuteman.
Ipleidienge
Ie eit e diplom regentaat Nederlans-Geskiedenisse, be'oald in 't Sint-Thomas in Brussel. Doamee begost ie lesse te geevn moa ie vound doa lik nie direk zyne droai. Achter zyne legerdienst deed ie 'n êen interim achter 'n andern moa kwam uiteindelik in de café-kelder van staduus va Kortryk Juul Coussens teegn, die em vôornsteldige van secretair te wordn van de Federatie Car en Bus. Nen job woarin dat ie hem noar eign zeggen "zot eit gejeund".
Privé
Ie weunt in Roeseloare en eit tôpe me zyn vromins Fernande twêe dochters: Mieke en Veerle.
This article uses material from the Wikipedia West-Vlams article Luc Glorieux, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.