Elisa Waut
Elisa Waut es nen West-Vlamsche muziekgroep die in de joarn '80 en '90 succes oat in België.
Geschiedenisse
De groep es begunn toen da broere en zuster Hans en Els Helewaut tôopegingn met de basspeler Chery Derycke, die van Red Zebra overkwam. Udder bekendeid kreegn ze deurda ze Humo's Rock Rally wounn in 1984. Z'ein tot in 1985 gewacht voo uddern debuut mini-LP uut te bringn mè zes nummeroos ip 'Elisa Waut'. Ze lietn udder kenn deur gevoelige poppy nummeroos me een bitje jazz in. Ze moakn nog vier geweune ploatn, om in 1990 te stoppn. In 1995 keun ze't nie loatn, en bringn ze een nieuwe CD uut: Angelus en in 1998 de CD Mystica.
Els en Hans ieldn êest nen Bodyshop wienkel oopn in 't centrum van Brugge. Elsje Helewaut bouwde doarachter t'hope met eur partner Chery een oude boerderye in Zarrn omme toet de bed & breakfast "Ark van Zarren". D' openienge was in 2003. Z' en ook e gelyknoamige wienkel in Brugge ip de plekke van de vroegere Bodyshop.
Bezettienge
- Els Helewaut: zang
- Hans Helewaut: toetsn
- Chery Derycke: ol de reste
Ploatn
- 1985: Elisa Waut
- 1986: Growing Pain
- 1987: Commedia
- 1989: Bloom Boom
- 1990: Wood Nymph Blonde
- 1995: Angelus
- 1998: Mystica
- 2015: Portraits And Landscapes
Bekenste singles
- Four times more
- Don't be mad, get even
- Sailors don't cry (titelnummer van de gelyknoamige film)
This article uses material from the Wikipedia West-Vlams article Elisa Waut, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.