Gullegem es een dêelgemêente van Wevelgem.
Gullegem | |
---|---|
Liggienge in de gemêente Wevelgem | |
Geografie | |
Provinsje | West-Vloandern |
Gemêente | Wevelgem |
Ippervlakte | 9,62 km² |
Andre info | |
Postcode | 8560 |
Der weunn bykans 10 500 minsn.
Oewel da't van oorsproung e boeredorp es gewist, es 't nu vô en grôot stuk verstedelikt en ligt 't an den periferiek van Kortryk. Der es een afdêlinge van 't VTI van Kortryk in Gullegem woar da je tot in 't vierde middelboar na toe kun goan. 't Platselik jeugduus es de pro-mille die ollejoare de jeugdfêestn organiseern.
Belangrykste festiviteitn zyn: de jeugdfêestn, de Par8, Kokopelli Festival, d'ommegangsfêeste, de meibôomplantinge, knetter, carnaval, gullegemkoerse. 't Verênigingsleven is er ôok met byvorbeeld: de chiro, de KSA, de scouts, +13, de KAJ, den heemkundigen kring De meibôom, de KAV enzomêer.
In Gullegem ligt sedert ênigte joaren ôok e provencioal domin: De Bergelenput. Dat es gegroeid round nen zandwinningsput die gegroaven gewist is vo den E403 an te leggen. Later est' dien ounder gelôpen en es nu een belangryke plekke vo ounder andere oeverzwaluwn. De provincie èt ton de veldn der round angekocht en diedie zyn stelselmoatig beplant gewist omdat er in de streke nieverst elders groen te vindn es.
Gedêeltelik ip 't groundgebied van Gullegem ligt 't industrieterrein Gullegem-Môorsele.
Ofbeeldiengn die ier by passn ku je vien in de categorie Gullegem van Wiki Commons. |
This article uses material from the Wikipedia West-Vlams article Gullegem, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.