Sukre (guar.
i isp.: Sucre [ˈsukɾe], keč.: Chuqichaka; aimar.: Sukri) om Bolivijan oficialine pälidn valdkundan konstitucijan mödhe vspäi 1839. Se om valdkundan kudenz' lidn eläjiden lugun mödhe, mugažo om Čukisakan departamentan administrativižeks keskuseks.
Lidnanznam | Flag |
Valdkund | Bolivii |
Eläjiden lugu (2021) | 360,544 ristitud |
Pind | 1,768 km² |
Pämez' | Enrike Leanjo (semendku 2021—, Enrique Leaño) |
Telefonkod | +591-(0)4 |
Aigvö | UTC−4 |
Eländpunktan aluz om pandud vl 1538 kuti La Plat (isp.: Ciudad de la Plata de la Nueva Toledo) hobedan löudmižsijiden tagut. Se om udesnimitadud valdkundan kahtenden prezidentan kanzannimen mödhe vl 1839 (Antonio Hose Sukre, ohjandi vll 1825−1828), oficialiženke tedotamiženke pälidnaks. Vl 1898 ohjastuz sirdi La Pas-lidnha, sil-žo aigal hobedan samine tuli lophu.
Bolivijan Ülembaine Käskuzkund sijadase lidnas.
Sukre šingotase pälidnan funkcijoil i üläopendusen keskuseks, turizmal, cementan i söndtavaroiden pästandal, kebnal tegimištol.
Lidn sijadase valdkundan keskuzpalan suves, departamentan lodehes, 2810 m ü.m.t. keskmäižel korktusel. Matkad La Pas-lidnhasai om 415 km lodeheze orhal vai 555 km avtoteidme.
Klimat om subtropine korktoiden mägiden kaks'sezonine. Kun keskmäine lämuz om +14..+17 C° vodes läbi. Ekstremumad oma −4 C° i +34 C°. Paneb sadegid 735 mm vodes, enamba tal'vkus-uhokus (124..150 mm kus), vähemba semendkus-elokus (30 mm pordos).
Sukre jagase kahesaks nomeruidud rajonaks, sidä kesken viž lidnrajonad i koume külärajonad.
Vl 2009 lidnan eläjiden lugu oli 295 455 ristitud. Kaikiš suremb ristitišt om nügüd'. Läz 390 tuhad eläjid om ezilidnoidenke (2021).
Edeližed lidnan pämehed (merad) oma Rosario Lopes (kül'mku 2019 — semendku 2021, Rosario López Rojo de Aparicio), Ivan Arcienega (semendku 2015 — kül'mku 2019, Iván Arciénega).
Sukre Vikiaitas |
Suviamerikan pälidnad | ||
Asunsjon | Bogota | Brazilia | Buenos Aires | Džordžtaun | Karakas | Kito | Lim | Montevideo | Paramaribo | Santjago | Sukre | ||
This article uses material from the Wikipedia Vepsän article Sukre, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.