Igor' Födorovič Stravinskii (ven.: Игорь Фёдорович Стравинский; sünd.
17. kezaku 1882, Oranijenbaum, Venäman imperii — kol. 6. sulaku 1971, Nju Jork, Nju Jork-štat, AÜV, om mahapandud Venecijha) oli suren muzikankirjutajan, dirižoran da fortepianonvändajan.
Stravinskii Igor' | |
Muzikankirjutai 1920−1930-nzil vozil | |
radmižen toižend: | |
---|---|
sündundan dat: | |
sündundan sijaduz: | Lomonosov, Peterburi kubermang[d], Venemaa keisririik[d][5][2] |
valdkund: | Francii[6][7] |
kolendan dat: | 6. sulaku 1971[8][9][10][11][12][13][14][15][16][17][2][3][18] (88 vot) |
kolendan sijaduz: | Nju Jork, New Yorgi osariik[d], Amerikan Ühtenzoittud Valdkundad[8][2] |
tat: | Fjodor Stravinski[d] |
avtograf: | |
Stravinskii Igor' VikiAitas |
Stravinski eksperimentirui muzikankirjutajaks kaiken, vajehteli kirjutamižen stilid. Hänen muzikas voib löuta i neoklassicizmad i džazad, i seriališt tehnikad (dodekafonii), i modernizmad. Stravinskii oli valatoitajan figuran lujas 20. vsadan muzikankirjutamižes.
Muzikankirjutai oli sündnu Venämaha, Mariinskii-teatran Födor Stravinskii-operpajatajan i Anna Holodovskaja-pianonvändajan da pajatajan sämižkanzha. Födor oli Piterin konservatorijan pästnikan, ak abuti mužikale koncertoil.
Igor' oli Gurevičan gimnazijan pästnikan, ühtni Piterin universitetan juridižhe fakul'tetha. Openui muzikad fortepianon privatižil urokoil ühesavoččes igäspäi i ičeksaz. Venämas hän tegi ičeze ezmäižid znamasižid da tetabid sädusid, ozutesikš Lämoilind-balet. Nece balet om kirjutadud Dägilevan «venälaižiden sezonoiden» täht Parižas. Vn 1914 augotišes Stravinskii kanzanke ajoi elämaha Šveicarijha i ei ole pördund Venämaha jo.
Röunan taga Stravinskii kirjuti baletan sädusid: Petruška, Pühä Keväz' i Pul'činella. Päiči niiš hän kirjuti Lozannas toižid-ki muziksädusid. Sid' Stravinskii ajoi elämaha Parižha (1934), sen jäl'ghe AÜV:oihe (1945), sai Francijan i AÜV:oiden rahvahanikust.
Mez' oli nainu kaks' kerdad. Vspäi 1906 oli nainu ezmäižen kerdan, Jekaterina Nosenko-ak sünduti hänele tütärt da kaht poigad: Födor (1907, pirdai), Lüdmila (1908, läksi Jurii Mandel'štam-runokirjutajale) i Svätoslav (1910, muzikankirjutai-pianonvändai). Vspäi 1940 Igorin amuine Vera Sudeikina-sudarušk kändihe akaks oficialižikš.
Merkurijan krater i Lomonosov-lidnan torg oma nimitadud muzikankirjutajan muštoks.
This article uses material from the Wikipedia Vepsän article Stravinskii Igor', which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.