Sian' (kit.: 西安, pin'jin': Xī'ān, sana sanha «päivlaskmaine kožund») om Kitain lidn Šen'si-agjas, sen kaikiš suremb lidn, administrativine keskuz da ohjastusen ištundsija, alištub agjan tobmudele oikti.
Valdkund | Kitai |
Eläjiden lugu (2015) | 8,705,600 ristitud |
Pind | 9,983 km² |
Pämez' | Šanguan' Czicin (2016—. 上官吉庆) |
Telefonkod | +86−29 |
Aigvö | UTC+8 |
Lidn om Kitain sur' kul'tur-, tegimišton da openduzkeskuz.
Sianin enzne nimi oli Čanjan' (長安, «hätkeline kožund»). Sian' om valdkundan enzne pälidn koumentoštkümnen dinastijan täht. Pit'kan aigan oli mail'mas kaikiš surembaks lidnaks pindan da ristitišton mödhe. Se oli Suren šuukten loppunktal.
Lidn om olmas enamba 3100 vot. Se sijadase Kitain keskuses, Huanhenjogen Veihe-ližajogen oiktal randal. Lidnan keskuz seižub 405 metrad valdmeren pindan päl korktusel.
Sian' jagase 10 lidnrajonha da 3 külärajonha.
Vn 2010 kaiken Kitain rahvahanlugemižen mödhe, lidnrajoniden ristitišt oli 5 566 711 eläjad, pind — 2420 km². Vn 2015 13,5 mln ristituid elädas ezilidnoidenke.
Avtobusad da metro oma kundaližeks transportaks lidnan südäimes, ezilidnelektrojonused ajadas lidnan ümbrištos. Metro radab vspäi 2011 (vl 2019 om 4 jonod, 95 stancijad, 126 km raudted). Kaik om 5 päraudtestancijad lidnas. Rahvahidenkeskeine civiline «Sian' Sän'jan»-lendimport (XIY, 44,6 mln passažiroid i 312 tuh. tonnoid jüguid vl 2018) sijadase 41 kilometras lodeheze lidnan keskusespäi. Sišpäi tehtas reisid Kitaidme da Azijan äjihe verhiže maihe.
Sian' Vikiaitas |
This article uses material from the Wikipedia Vepsän article Sian', which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.