Majag

? Majagad
Järgeline majag Norvegijas
Tedoklassifikacii
Valdkund: Živatad Tip: Sel'gjäntkeižed (Chordata) Klass: Imetaiživatad (Mammalia) Heimkund: Nühtajad (Rodentia) Sugukund: Majagižed (Castoridae) Heim: Majagad
Latinankel'ne nimi
Castor (Linnaeus, 1758)
Areal
Kanadine majag      Järgeline (Evrazijalaine) majag
Kuvad Vikiaitas ITIS 180211 NCBI 10184

Majagad (latin.: Castor) om pol'vezižiden živatoiden heim Nühtajad-heimkundaspäi. Majagižed-sugukundan üks'jäine jänu elegil heim, kogoneb kahtes levitadud erikospäi: Järgeline (Evrazijalaine) majag (Castor fiber, kahesa alaerikod) i Kanadine majag (Castor canadensis, ei ole alaerikoid, om introduciruidud Skandinavijan maihe).

Heim erigoiči toižišpäi läz 31 mln vozid tagaz. Latinine nimituz om kal'k amuižgrekan κάστωρ-sanaspäi «majag», mitte libub amuižgrek.: κάστον kaston-sanaspäi «pumaterial».

Majagad sötlesoiš puiden korel i noril barboil, sen tagut sortas puid nühtten alust. Elänzoittas hilliden mecjogiden, ojiden i järviden randoid. Elädas uruiš i hatoiš.

Živatad tehtas kanalid i saudas padoseinid sortud puišpäi i muga sätas učulmoid lendamha hatoid. Hatad oma ujujad peitsijad-sared ragoišpäi nälömanke kümnehe metrhasai diametral i üks'..koume metrad kortte, vedenalaiženke tulendanke. Majagad ödudas hatoiš, kaitas varoid tal'veks niiš i kaičesoiš lihansöjid vaste.

Edel 20. voz'sadan kesked majagan karv oli populärine Evropas, Venälaižes Federacijas i Pohjoižamerikas, ka tehtihe mectusid karvha näht, i majagan populäcii oli polenenu lujas.