Savonlidn (suom.: Savonlinna , roč.: Nyslott) om lidn Suomenman suvipäivnouzmas.
Se om valdkundan 34nz' lidn eläjiden lugun mödhe, mülüb Suvisavo-agjaha.
Lidnanznam | |
Valdkund | Suomenma |
Eläjiden lugu (2019-08-31) | 33,272 ristitud |
Pind | 3,597,70 km² |
Pämez' | Janne Laine (2006—) |
Telefonkod | +358-(0)15 |
Aigvö | tal'vel UTC+2, kezal UTC+3 |
Eländpunktan aluz om pandud vl 1475 kuti Ročinman Nyslott-lidnuz («uz' lidnuz») da žilo senno. Vspäi 1534 lidnuz oli Savo-provincijan keskuz. Vl 1639 žilo sai lidnan statusad. Vspäi 1743 oli Venäman imperijan Viipurin guberijan palaks.
Suomen nimituz kändihe oficialižeks ripmatomuden sandan jäl'ghe vl 1917. Lidnusen nimituz om nügüd' Olavinlinna (roč.: Olofsborg). Nened kundad oliba mülütadud Savonlidnan alištushe: Sääminki (1973), Savonrand (suom. Savonranta, 2009), Kerimäki i Punkaharju (2013).
Savonlidn šingotase pun ümbriradmižel, transportan edheotandoil, veimetomiden kaičendsistemiden tegimel (vspäi 2019), turizmal.
Lidn sijadase agjan päivnouzmas, Saimaa-järven i sen laivten randal, pol'tel Mikoišpäi Jogensuhu. Matkad Hel'sinkihesai om 284 km suvipäivlaskmha orhal, 333 km avtotel Mikoin i Lahten kal't, 400 km raudtedme Kouvolan kal't. Agjan Mikoi-keskuz om 86 km päivlaskmha-suvipäivlaskmha orhal vai 103 km avtotedme.
Vl 2019 lidnan ühthine pind oli 3 597,70 km², sidä kesken kuivma — 2 238,09 km², sokaz ma oti koumandest (1 359,61 km²).
Savonlidn jagase 35 nimitadud rajonaks-küläks, kaik 97 küläd alištudas lidnankundan tobmudele.
Vl 1980 ristitišt oli 41 053 eläjad. Kaikiš suremb eläjiden lugu oli 41 426 ristitud vl 1995.
Mamankelen mödhe (2016): suomen kel' — 96,3%, ročin kel' — 0,1%, toižed keled — 3,6%.
Savonlidn Vikiaitas |
This article uses material from the Wikipedia Vepsän article Savonlidn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.