Rahad oma specifine tavar, kudamb om toižiden tavaroiden vai holitišiden maksarvon universaline ekvivalent.
Edel rahoid barter, lahjad i velgad oliba ižandusen likutimeks. Tavar kaikiš lujembanke likvidižudenke kändase rahoikš.
Rahoiden form oleleb erazvuitte: eriline tavar, arvokaz bumag, maksarvon znam, hüvüded vai kal'huded, kontoiden kirjutesed.
Personaližed rahad oliba kävutandas nell' tuhad vozid tagaz völ, ned oliba kuld Egiptas i Assirijas. Paindud rahuded oma olmas 7. voz'sadaspäi EME. Tegeškanziba bumagrahoid Kitain territorijal vl 910. Ezmäižed banknotad oma pästtud Stokhol'mha vl 1661.
Nügüd'aigan elektronižed rahad vajehtadas personaližid. Maksmižen tetpaižed abutused valdkundan territorijal oma banknotad i rahuded vaiše.
- Den'gad den'goid ei olgoi magedamb.
- Den'gad rades tuldas, a vihel'dusel lähttas.
- Den'gha pap'-ki kargaidab.
- Den'goid kuti kažil kündlid.
- Den'goil katust ed kata, katad den'goihe.
- Ei sa rahoid sandal sada, a pidab pidandal pidada.
- Korman ei käske. (rahoid ei ole)
- Pakičijan jäl'ghe ei mängoi.
- Radmata deng pert'he ei tule.
- Rahad da leib vellesed oma.
- Rahad ei olgoi sened, tal'vel-ki kazdas.
Rahad Vikiaitas |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Rahad, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.