Sanderlend (angl.: Sunderland , sijaline virkand: ) om Suren Britanijan lidn da järed meriport (kahtenz' surtte municipaline port kunigahuses), mülüb Tain da Uir-grafkundha.
Lidnanznam | |
Valdkund | Sur' Britanii |
Eläjiden lugu (2011) | 174,286 ristitud |
Telefonkod | +44-(0)191 |
Aigvö | tal'vel UTC+0, kezal UTC+1 |
Eländpunktad oliba olmas lidnan sijas neolitan aigaspäi, sidä kesken Amuižes Rimas. 12. voz'sadan kalanikoiden pen' külä kändihe laivansauvojiden žiloks 14. voz'sadale. Nügüd'aigaine lidn formiruihe kuti port läz kivihilen kaivusid.
Avtosauvomižen šingotez (vspäi 1986, Nissan-companijan tegimed, 500 tuh. avtoid vl 2012) jäti lidnad henghe laivansauvomižen lopindan jäl'ghe (1988) da kivihilen kaivusiden sauptandan jäl'ghe (1994).
Lidn sijadase Anglijan pohjoižpäivnouzmas, 60..80 m ü.m.t. keskmäižel korktusel. Se seižub Uir-jogensun molembil randoil, Pohjoižmeren randištol. Matkad Londonhasai om 387 km suvhe-suvipäivnouzmha. Lähembaižed järedad lidnad om Njukasl-apon-Tain ani lodehližen röunan taga i Saut-Šilds ani pohjoižen röunan taga.
Klimat om venon vönen, neps, tulleikaz da sumosine.
Vn 2011 rahvahanlugemižen mödhe lidnan eläjiden lugu oli 174 286 ristitud, alištunuzidenke ezilidnoidenke — 275 506 ristitud. Vn 2001 rahvahanlugemižen mödhe ristitišt poleni, se oli 182 758 eläjad lidnas i 280 807 eläjad susedkundoidenke. Lidnan eläjad nimitasoiš makemalaižed (angl.: Mackem, Makem vai Mak'em).
Sanderlend (Anglii) Vikiaitas |
This article uses material from the Wikipedia Vepsän article Sanderlend (Anglii), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.