C'l artìcul chè 'l è scrit in Miranduléś
Sunderland (a s lèś /ˈsʌndərlənd/ in ingléś, scólta'l chè) l'è na sità dal Régn Unî ch'la s cata in dal nòrd-èst dl'Inghiltèra, in dla cuntèa metrupulitàna 'd Tyne and Wear. La fà sù sènt-stantasincmìla abitànt a 'l incìrca (dat dal 2011), pôc più pìcula 'd Mòdna.
La sità l'è anc un pòrt e la gh'è sōl lē in Inghiltèra ch'la n gh'à minga dal catedràli. Dòp èsar carsùda in di sécui pasâ dand vita a di cumèrs dal carbòṅ e dal sâł, in di tèmp mudèran l'è dvintàda 'n punt ad riferimènt par l'indùstria tecnulògica, di servìsi e mecàniga, cun la Nissan ch'la fà chè la Nissan Qashqai e la Nissan Juke dand lavōr a dimóndi parsòni. In dal 2012 la in fava da piò ad sincsènt-mila 'l an faghénd ad Sunderland la sità più impurtànta in fat ad màchini dal Régn Unî.
In dal referendum par la Brexit dal 2016 gl'eletōr i aṅ vutâ in masa par lasàr l'Ugnòṅ Européa (61% cóntar 39%) ma dòp che la Theresa May l'à fat savēr ch'l'è prònta par na Brexit dûra, lasànd al marcâ ùnic, la Nissan la s è dita prònta a farmàr i sò investimènt in sità.
I sò abitànt i èṅ ciamâ anc Mackem.
This article uses material from the Wikipedia Emiliàn e rumagnòl article Sunderland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.