C'l artìcul chè 'l è scrit in Miranduléś
Hans Christian Andersen (Udénse, 2 'd Avrìl dal 1805 – Cupenàghen, 4 'd Agóst dal 1875) 'l è stâ un scritōr e puéta danéś, dimóndi famóś par via dal sò favli. Qvéli arcgnusùdi da piò i èṅ La principessa sul pisello, Pollicina, La sirenetta, Il soldatino di stagno, Il brutto anatroccolo e la La piccola fiammiferaia.
Hans Christian Andersen al nas da na famìja dimóndi pòvra. Sò pàdar al fava al scarpulèṅ mèntar sò màdar l'éra più vècia ad lò ad 15 an. Quand al pàdar al mór in dal 1816, Hans al gh'à sól und'ś an. Sò màdar la taca a far la lavandàra e la sa spóśa incóra ma la dvénta bèṅ prèst n'alculiśàda e lò 'l è custrét a imparàr tut da par lò, avénd un caràtar anc schiṿ e sensìbil.
Na vòlta fata la Créśma, in dal 1819 al s trasferìs a Cupenàghen in sérca ad quèl ad méj par lò e la sò vita.
In di prim tèmp pasâ in dla capitàla danéśa, Hans al s cumpatìs ad far al garśòṅ in na butéga e 'l uperài in na fàbrica 'd sigaréti ma al gh'à da parìr al tòlti in gir e i dispèt di sò cumpàgn ad lavór par via dal sò caràtar intruvèrs e al sò manéri un pòc da fémna. P'r un perìud pìcul al fà anc al supràṅ al Teàtar Reàl Danéś anc par mèrit dal tenór itagliàṅ Giuseppe Siboni ma al gh'à da dar-gh un taj parchè in cal mèntar al càmbia al tìmbar dla vóś. Par sò furtùna, al cunsiliér dal pòst Jonas Collin al al tóś sèg faghénd-ag imparàr al danéś, al tedésc e al latìn e faghénd-ag cgnósar al rè Federico VI. Chi lò al gh dà un vitalìsi e al al manda a scóla dal 1822 al 1828, quànd al taca a studiàr filuśufìa a l'università.
A partìr dal 1835 cun L'acciarino (’l impisafóg) al taca a dar vita a i sò scrit più famóś, al favli.
This article uses material from the Wikipedia Emiliàn e rumagnòl article Hans Christian Andersen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.