Piltsamaa
Piltsamaa (est.: Põltsamaa) om Estinman lidn valdkundan keskuzpalas.
Mülüb Jigevan makundha, sen kahtenz' surtte lidn koumespäi, Piltsamaan volostin keskuz.
Lidnanznam | Flag |
| Valdkund | Estinma |
| Eläjiden lugu (2019-01-01) | 3,891 ristitud |
| Pind | 5,99 km² |
 | |
| Telefonkod | +372-xxx-xxxx |
| Aigvö | tal'vel UTC+2, kezal UTC+3 |
Istorii
Eländpunkt mainitase dokumentoiš ezmäižen kerdan vl 1234. Edel 1917 vot lidnan oficialine nimituz oli Oberpalen (saks.: Oberpahlen). Se oli marionetižen Livonijan kunigahusen (1570−1578) pälidnaks Livonijan sodan aigan, kunigahuz oli alištunu Ivan Grazii-carin tobmudele. Žilo sai lidnan statusad vn 1926 30. päiväl kezakud. Vll 1950−1962 lidn oli Piltsamaan rajonan keskuseks. Kadoti municipalitetan statusad vn 2017 reforman jäl'ghe.
Piltsamaa šingotase sömtegimištol (konservtegimed — frukt- da marjsüdäiveded, vinad, maploduiden konservad i painatosed), metallan ümbriradmižel eksportha, kompjuterprogramiden biznesan täht edheotandal, kleidüd pun pästandal iknoiden i uksiden täht, torguindal i turizmal.
Geografijan andmused
Lidn sijadase makundan päivlaskmas, ühtennimižen jogen randal (est.: Põltsamaa jõgi 135 km pitte, Emajogen hurapol'ne bassein), 56..63 m ü.m.t. korktusil. Matkad Tallidnhasai om 112 km lodeheze orhal vai 127 km avtotel, Tartuhusai om 53 km suvipäivnouzmha orhal vai 60 km avtotedme. Lähembaine lidn om makundan Jigev-keskuz (raudtestancijanke) 29 km päivnouzmha-pohjoižpäivnouzmha avtotedme. «Tallidn — Tartu»-mante om lidnan pohjoižröunaks.
Koume žilod da 58 küläd alištudas Piltsamaan volostin (est.: Põltsamaa vald) tobmudele vs 2017 redukun 24. päiväspäi. Volostin pind — 890 km².
Eläjad
Vn 2011 Estinman rahvahanlugemižen mödhe lidnan eläjiden lugu oli 4 188 ristitud. Kaikiš suremb lidnan ristitišt oli 5 261 eläjad vl 1989. Kaik 9 752 ristitud elihe Piltsamaan volostiš vl 2019.
Rahvahad (lidnalaižed, vl 2011): estilaižed — 98,0%, toižed rahvahad — 2,0%.
Lidnan edeline pämez' oli Jaan Aiaots vspäi 2003.
Galerei
-
Lidnan administracijan pert'
(2013) -
Lidnuz da pühäpert'
(vn 2007 nägu) -
Sömtavaroiden tegim -
Lidnan gimnazii -
Kanzaline keskuz
Homaičendad
Irdkosketused
- Piltsamaan volostin ohjastusen oficialine sait (poltsamaa.ee). (est.)
- Lidnan da volostin turizman sait (visitpoltsamaa.com). (est.) (angl.) (suom.)
- Verkkamer Piltsamaan lidnusen päl, täuz' nägu estonia360.ee-saital.
| Piltsamaa Vikiaitas |
This article uses material from the Wikipedia Vepsän article Piltsamaa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.