Paldiski (mugažo estin kelel) om lidn, sodabaz da jädumatoi port Estinman lodehes, Harju-makundas.
Pakri-sared alištudas lidnan tobmudele mugažo.
Lidnanznam | Flag |
Valdkund | Estinma |
Eläjiden lugu (2017) | 3,681 ristitud |
Pind | 58,37 km² |
Pämez' | Tiit Peedu (2014—) |
Telefonkod | +372 |
Aigvö | tal'vel UTC+2, kezal UTC+3 |
Sur' Petr pani nügüdläižen eländpunktan alust meriportaks Pakri-sal'men randal vl 1718. Portan, majakan, lidnusen i žilon sauvomine oli vhesai 1726 i seižuhti Petran kolendanke. Žilo portanno nimitihe Rogervik:aks (roč.: Rågervik) vspäi 1723. Jekaterina II jätksi sauvomišt, no päti tehta Kronštadtad kaičendportaks vn 1768 Senatan edespaginad jäl'ghe. Vozil 1762−1922 oficialine nimituz oli Baltine Port (ven.: Балтийский Порт), estin nimituz oli Baltiski vspäi 1733, sid' oficialižikš Baltiski Estinman ripmatomudenke, i vspäi 1933 om nügüdläiženke nimenke. Lidnan status om anttud vl 1783.
Nevondkundaližel aigal atomižiden VA-laivoiden sodameribaz oli lidnas, mugažo il'mvastaižen kaičendan raketbaz da sodalendimport oli lidnan saubaližel territorijal. Vozil 1994−1996 Paldiski mülüi Keil-lidnha. Estinman sodavägiden erazvuiččed toižendad sijadasoiš lidnan sodabazas.
Tulleienergopark om saudud. Tedon da tegimišton Pakri-park šingotase lidnan päivnouzmaižen röunanno.
Lidn sijadase Suomen lahten suvirandal. Matkad Tallidnan keskushesai om 52 km päivnouzmha avtotedme.
Vl 2012 eläjiden lugu oli 4 081 ristitud. Ristitišt poleni vspäi 1991 (8,1 tuhad).
Lidn om äirahvahaline. Estilaižed oma 32,8% vn 2011 rahvahanlugemižen mödhe. Toižed rahvahad oma enamba pol't ristitištos. Hristanuskondan 4 pühäpertid om lidnas.
Kaks' meriportad jüguiden täht om lidnas, pohjoine i suvine. Poltusen kaičendterminal, kivivoinümbriradai terminal, konteinerterminal oma olmas portoiš. Raudtestancii om olmas vspäi 1870 «Paldiski — Tallidn — Tosno»-raudtel. Ehtatim ujub Ročinman Kapellskär-porthasai.
Paldiski Vikiaitas |
This article uses material from the Wikipedia Vepsän article Paldiski, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.