Andersen Hans Kristian

2. sulaku 1805, Odense, Danijan i Norvegijan unii — kol. 4. eloku 1875, Kopenhagen, Danii) oli danijalaine kirjutai i runokirjutai. Sädeli danijan kelel.

Andersen Hans Kristian
dan.: Hans Christian Andersen
Hans Kristian Andersen vn 1860 fotokuval
nimi sündundan jäl'ghe:	dan.: Hans Christian Andersen
radmižen toižend:	kirjutai, runokirjutai, romaanikirjanik, lastekirjanik, autobiograaf, näitekirjanik, lehtezmez', reisija, cut-paper artist
sündundan dat:	2. sulaku 1805(1805-04-02)[1][3][4][5][6][7][8][9][10][11][12][13][14][15][16][17][19][20][21][22][23][24][25][26][27][28]
sündundan sijaduz:	Odense, Taani-Norra[d][29][30][3][27][27]
valdkund:	Taani Kuningriik[d][31][14][32][33]  Taani-Norra[d]
kolendan dat:	4. eloku 1875(1875-08-04)[1][3][4][5][6][7][8][9][10][11][12][13][15][16][17][19][20][21][23][24][25][27][28] (70 vot)
kolendan sijaduz:	Rolighed[d], Copenhagen Municipality[d], Danii, Taani Kuningriik[d]
tat:	Hans Andersen[d][34]
mam:	Anne Marie Andersdatter[d][34]
avtograf:
Andersen Hans Kristian VikiAitas
Om sädusid VikiPurtkiš

Hans Kristian oli sündnu gollhä kanzha Odensen Fün-sarel. Hänen Hans Andersen-tat (1782−1816) oli bašmakoiden tegii, Anna Mari Andersdatter-mam (1775−1833) libui golläs perehespäi i radoi sobanpezijan. Priha kazvoi nervižen i vasthaotlijan, 14-voččen sirdi Kopenhagenha. Edesti toižid rolid Kunigahan teatras kacmata effektatomha irdnäghu. Vl 1827 lopi školopendust, no kirjuti petusidenke elon lophusai. Vl 1829 publikoiči «Astužnikan matk Holmen-kanalaspäi Amageran päivnouzmaižennoks agjannoks»-sanutest fantastikan žanras, sai tetabut i kirjuti sarnoid sen jäl'ghe elon lophusai. Läz kümenikad sarnoid kirjuti runoil. Hänen romanad i p'jesad ei olend mugomad tetabad kut sarnad. Vl 1871 ezmäine balet oli lavastadud Andersenan sarnoiden mödhe.

Eli naimatoman, jäi lapsetoman. Lanksi magaduzsijaspäi 67-voččen, sai lujid satatesid i koli koumes vodes.

Andersen sädi läz 200 sarnoid lapsiden i täuz'kaznuziden täht, romanid i p'jesid. Kaik ned oma joudjas lähekäzižuses vspäi 1975. Äjad sarnad oma tetabad kaikes mail'mas, fil'mzihe niid i tehtihe mul'tfil'mid 20. voz'sadaspäi, möhemba ližazihe videovändoid.

Valitud sarnoiden nimikirjutez

• «Düiman pitte neižne» (dan.: Tommelise, 1835)
• «Iškim» (Fyrtøiet, 1835)
• «Kunigahan uz' plat'kö» (Keiserens nye Klæder, 1837)
• «Lipaz-lendim» (Den flyvende Kuffert, 1839)
• «Lumikunigaznaine» (Sneedronningen, 1844)
• «Mecjoucned» (De vilde Svaner, 1838)
• «Neičukaine viridenke» (Den lille Pige med Svovlstikkerne, 1845)
• «Noidkukkaz» (Elverhøi, 1845)
• «Ole Lukoie» (Ole Lukøie, 1841)
• «Ozan kolušad» (Lykkens Kalosker, 1838)
• «Pahakulu sorzanpoigaine» (Den grimme Ælling, 1843)
• «Princess hernhudel» (Prindsessen paa Ærten, 1835)
• «Pen' merineižne» (Den lille Havfrue, 1837)
• «Sigoidenpaimen» (Svinedrengen, 1841)
• «Varmed tinasine saldataine» (Den standhaftige Tinsoldat, 1838)

Sarnoiden süžetiden tetabuz abuti niiden kuvandoile tehtas keliden idiomikš, oz., «kunigahan uz' plat'kö». Muštpachad oma olmas neniš lidnoiš: Bratislav, Malag, Moskv, Nju Jork, Odense. Vl 1985 «2476 Andersen»-asteroid om nimitadud kirjutajan muštoks.

• Hans Kristian Andersenan muzei Odense-lidnas (hcandersensodense.dk). (dan.) (angl.)