Lidn, Leningradan Agj Nikol'skoje
Nikol'skoje (ven.: Нико́льское, suom.: Lomkka) om Venäman lidn da lidnankund Leningradan agjan keskuzpalas.
Mülüb Tosnon rajonha, sen kahtenz' surtte lidn.
Lidnanznam | Flag |
| Valdkund | Venäma |
| Eläjiden lugu (2023) | 21,863 ristitud |
| Pind | 10 km² |
 | |
| Pämez' | Il'ja Belov (reduku 2019—) |
| Telefonkod | +7−81 361-xx-xxx |
| Avtokod | 47 |
| Aigvö | UTC+3 (MSK+0) |
Istorii
Eländpunktan aluz om pandud vl 1710 kuti manmehiden-kivinikoiden külä, sirdanikoiden Moskvan alpäi tobjimalaz. Nimitihe Nikolajevskoje- i Nikol'skoje-žiloks saudud vodele 1717 puižen jumalanpertin mödhe ph. Mikulai-čudonsädajan oiktastuseks. Vll 1801−1936 ühtennimine kivine jumalanpert' oli olmas. 19. voz'sadan lopus mainitase mugažo Plitnaja Lomk-nimenke (ven.: Плитная Ломка). Vspäi 1877 porhtegim om saudud. Vll 1906−1909 Frank-velliden stöklanastjoiden tegim oli sätud. Žilo oli okkupiruidud Germanijan sodavägil Suren sodan aigan, küksihe nacistoid vn 1944 23. päiväl vilukud. Sodan jäl'ghe saudihe severt-se tegimid, i kätihe žilod lidnanvuiččeks vl 1958. Vspäi 1963 se oli alištunu Tosno-lidnan Nevondkundale. Vs 1990 elokun 15. päiväspäi Nikol'skoje om lidnan statusanke.
Nikol'skoje šingotase sauvondkompleksan edheotandoil (savič, keramine apakut, keramižed torved, keramzit), himižel tegimel, mašiništonsauvomižen tegimel (mašiništ laivoiden täht, venehed), porhantegimel i praznikambuškelusiden edheotandal.
Geografijan andmused
Lidn sijadase Tosn-jogen oiktal randal (ven.: Тосна, Nevan hura ližajogi), 30 m ü.m.t. keskmäižel korktusel.
Piter-regionan röun mäneb kahtes kilometras lodeheze, sen Kolpinon rajon. Toine lähembaine lidn om Otradnoje koumes kilometras pohjoižhe, sen Ivanovskai-raudteplatformanke. Matkad Tosno-rajonkeskushesai om 19 km suvhe orhal vai 26 km avtotedme.
Tobmuz
Kaik koume küläd mülüdas lidnankundha Nikol'skojen ližaks. Lidnankundan pind — 14,44 km².
Edeline lidnankundan pämez' om Vera Jusina (reduku 2009 — reduku 2019).
Eläjad
Vn 2010 Venäman rahvahanlugemižen mödhe lidnan eläjiden lugu oli 19 280 ristitud, lidnankundan — 20 089 ristitud, rajonan kudendez. Vl 2017 kaik 21 888 ristitud elihe lidnas i 22 694 ristitud kaikes lidnankundas. Kaikiš suremb lidnan ristitišt oli 22 490 eläjad vl 2019.
Rahvahad (2010): venälaižed — 93,7 %, armenijalaižed — 1,2 %, ukrainalaižed — 1,1 %, toižed rahvahad — 4,0 %.
Ortodoksižen hristanuskondan kaks' jumalanpertid oma saudud lidnas: ph. Mikulai-čudonsädajan oiktastuseks i puine ph. Nikolai II-moknikan-carin muštoks. Niiden ližaks koume časounäd oma kadonuded.
Professionaližen opendusen aluzkundad ratas lähembaižiš lidnoiš.
Galerei
-
Znam lidnan röunal (2010) -
Jogi lidnas, vn 2014 nägu -
Lidnan nägu vl 2014 -
Nevondkundaližiden sodamehiden velleskaum (2021)
Homaičendad
Irdkosketused
| Nikol'skoje (lidn, Leningradan agj) Vikiaitas |
| Leningradan agjan lidnad | ||
| Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Koltuši | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk | ||
This article uses material from the Wikipedia Vepsän article Nikol'skoje (lidn, Leningradan agj), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.