Lidn, Leningradan Agj Otradnoje

Rajonan kaikiš suremb lidn, kut Kirovsk-rajonkeskuz-ki Nevan ülezjogen (26,4 tuh. rist. vl 2018).

Otradnoje
Отрадное

Lidnanznam	Flag
Valdkund	Venäma
Eläjiden lugu (2023)	25,402 ristitud
Pind	70,1 km²
Pämez'	Magdanbek Taimashanov (sügüz'ku 2019—)
Telefonkod	+7−81 362-xx-xxx
Avtokod	47
Aigvö	UTC+3 (MSK+0)

Ivanovskoje- i Pella-kezaküläd mainitasoiš vspäi 1708. Suren sodan aigan toran ezipird oli läz Otradnojed, kaik pertid da tegimed oliba muretud. Vn 1970 24. redukud ühtištadihe Ivanovskoje-, Otrandoje- i Ust'-Tosno-žiloid lidnha, nimitihe nügüdläižikš.

Otradnoje-lidn šingotase laivansauvomižen «Pella»-tegimel, mecanümbriradmižel tegimel (elektropachad, pilindmaterialad), elektrotehnižen mašiništon tegimel (transformatorižed alastancijad, elektrolaudad, tegesed elektromontažan täht), sömtegimišton edheotandoil (konditerine ühtelmaz i «Heinz»-kompanijan edheotand), mugažo jogiport i plastikpakuitesen edheotand ratas.

Lidn sijadase Nevan hural randal, 17 m ü.m.t. keskmäižel korktusel, vedase pidust' joged seičemeks kilometraks. Nevan hurad Tosn- (ven.: То́сна 121 km pitte) i Svätk- (Свя́тка 9 km pitte) ližajoged jokstas lidnadme mugažo.

Röunatab Piter-regionan suvipäivnouzmaiženke, sen Kolpinon rajonanke. Piterin metropolitenan lähembaine stancii om Ribackoje 18 kilometras. Toine lähembaine lidn om Nikol'skoje koumes kilometras suvhe. Ivanovskai-platform i Pell-raudtestancii sijadasoiš lidnas. Matkad Kirovskhasai om 16 km pohjoižpäivnouzmha orhal vai avtotedme.

Otradnoje om lidnankundan üks'jäižeks eländpunktaks.

Lidnankundan tobmuden pämez' om sen Deputatoiden nevondkundan ezimez'. Edeližed nevondkundan ezimehed oma Irina Vališkova (Ирина Валышкова, sulaku 2018 — sügüz'ku 2019), Mihail Lagutenkov (sügüz'ku 2015 — sulaku 2018). Lidnankundan Administracijan pämehen velgusentäutai om Aleksandr Morozov vn 2021 sulakuspäi. Edeline Administracijan pämez' om Vera Letunovskaja, radoi vn 2021 sulakuhusai.

Vn 2010 Venäman rahvahanlugemižen mödhe lidnan eläjiden lugu oli 23 866 ristitud vn 2021 — 25 706 ristitud. Kaik 25 344 eläjad oli lidnas vl 2017. Kaikiš suremb lidnan ristitišt om enamba mi 25 tuhad eläjad vspäi 2014 (25 796 rist. vl 2020).

Ortodoksižen hristanuskondan kaks' pühäpertid oma avaitud lidnas: ph. Ioann Armahtajan jumalanpert' (om saudud vspäi 1997 nevondkundaližes kul'turkeskusespäi), ph. Jurgii-vägestusenkandajan časoun' (2001). Edel Redukun revolücijad koume pühäpertid oliba lidnan territorijal, panihe mantazole kaikid niid.

Lapsiden opendusen aluzkundad oma viž päivkodid, licei, keskškol nomer 2, keskškol nomer 3, čomamahtoiden škol, školanirdaližen radon keskuz. Vezitransportan tehnikuman (Šlissel'burg) Otradnojen filial om lidnan professionaližen opendusen aluzkundaks.

•  
  «Fortuna»-kul'turkeskuz (2016)
•  
  Ph. Ioann Armahtajan jumalanpert', vn 2010 nägu
•  
  Laivansauvomižen «Pella»-tegimen stapelid vl 2014
•  
  Lidnan licei (2016)
•  
  Pell-raudtestancijan sauvuz vl 2014

• Lidnan tobmuden sait (otradnoe-na-neve.ru). (ven.)